Bohemia paradizo

Dosiero:Ĉeĥa paradizo.jpg

Sablorokoj en la Bohemia paradizo, fone kun la roka burgruino Trosky, simbolo de la regiono

Bohemia Paradizo (ĉeĥlingve Český ráj) estas konata turisma regiono en Ĉeĥio, troviĝanta 50 ĝis 90 km nordoriente de la ĉefurbo Prago. Geografie ĝi estas limigita per linioj inter la urboj Mladá Boleslav, Mnichovo Hradiště, Železný Brod, Semily, Nová Paka, Jičín, Kopidlno, Sobotka a Dolní Bousov. En la milde ondiĝanta pejzaĝo harmonie ligiĝas varieco de naturbelaĵoj ("sablorokaj urboj", eksvulkanoj, fiŝlagoj, pinarbaroj) kun multnombraj kulturaj memorindaĵoj - kasteloj, burgoj, pitoreskaj urbetoj kaj vilaĝoj. Ĝuste pro tio jam en la 19-a jarcento gastoj de la banloko Sedmihorky komencis nomi tiun ĉi parton de la lando "Bohemia Paradizo".

La regiono estis en 1955 proklamita kiel la unua naturprotektata regiono en la tiama Ĉeĥoslovakio. La origina amplekso 95km² post ampleksigo en 2002 duobliĝis. Krome, pro sia unikeco la regiono estis en 2005 proklamita kiel geoparko de UNESCO (ĝis nun unusola en Ĉeĥio, sed ankaŭ en la novaj landoj de la Eŭropa Unio).

Ĝis nun la regiono estas konsiderata kiel unu el la simboloj de Ĉeĥio kaj ĝi apartenas al turisme plej vizitataj lokoj de la lando.

• 
  Burgo Kost
• 
  Ĉaskastelo Humprecht
• 
  Burgo Valdštejn
• 
  Eta skanzeno en Bieno de Dlask apud Turnov
• 
  Panoramo de la pejzaĝo el la burgruino Trosky
• 
  Prachovské skály (Rokoj de Prachov)
• 
  Drábské světničky (Drabaj ĉambretoj)
• 
  Pekařova brána (Pordego de Pekař) en Vyskeř

Interesaĵoj

• Drabaj ĉambretoj
• Pantheon
• Kost

Eksteraj ligiloj

Bohemia paradizo en la turisma retejo CZECOT (plurlingve)