Lando

Mapo de landoj de la mondo.

Lando, ĝenerale, estas teritorio, eventuale kun interna kaj apuda aera kaj akva spacoj, rezultinta de ia dividado de geografia estaĵo, kun difinita aŭ difinata limo, ofte asociita al la nocioj ŝtato, nacio kaj regado kaj tiam kutime suverena.

Laŭ politika-geografia vidpunkto, tio estas teritorio havanta difinitajn limojn kaj ŝtatan suverenecon. En tiu senco, lando estas sinonimo por regno kaj ŝtato. Ekzemploj de lando estas Kanado, Francio, kaj Japanio.

Ekzistas ankaŭ landoj kun limigita suvereneco kaj kolonioj aŭ dependaj teritorioj, kiuj estas okupitaj, administrataj kaj ekspluatataj de aliaj ŝtatoj. Ekzemploj de dependaj teritorioj estas Saint-Martin, Tokelao, kaj Usonaj Virgulininsuloj.

Vidu ankaŭ

• Listo de sendependaj ŝtatoj
• Enklavo

Eksteraj ligiloj

• Landoj kaj lingvoj, ĉe paĝaro de Bertilo Wennergren (esperante)
• The World Factbook, de CIA (angle)
• Country Reports, retskipo por esploro pri landoj kaj similaj temoj (angle)
• Landoj, Ŝtatoj kaj Nacioj kiel temo de About.com (angle)