Svisa Gvardio

La Svisa Gvardio estas papa gvardio (gardistaro) konsistante el volontuloj el Svisio. Por povi esti volontulo oni devas esti minimume 174cm alta, aĝi inter 19 kaj 30, vivi fraŭle kaj esti katolika svisa ŝtatano. Gvardianoj servas por minimume du jarojn kaj dum tiu periodo loĝas en kazerno kaj ekhavas la ŝtatanecon de Vatikano. La salajro ne estas tre alta (en 2004 averaĝe € 1100-1300+plushoroj), sed loĝado estas senpaga kaj ili ne devas pagi impostojn. La gvardio konsistas el 120 oficiroj kaj soldatoj.

Tiu ĉi palaca kaj persona gvardio de la Papo ekestis en 1505 kiam Papo Julio II petis al 200 svisaj helebardoj servi la eklezian ŝtaton. La gvardio oficiale fondiĝis en la jaro 1506. Ili defendis la papon Klemento la 7-a dum la prirabado de Romo fare de ribelantaj trupoj de la katolika imperiestro Karolo la 5-a, la 6-an de majo 1526. Mortis 142 gvardianoj; la 42 kiuj travivis sukcesis sekurigi la papon.

Ekzistas miskompreno pri la uniformo kiun ili portas. Ĝi malgraŭ la renesancecaj desegnaĵoj ne estas dezajnitaj de Michelangelo, sed de komandanto, kiu tie servis inter 1910 kaj 1921.

La svisa gvardio portas kaŝe modernajn armilojn, sed ĉiu gvardiano ankaŭ ekzercas la uzadon de la tradiciaj armiloj. Krom ili, cetere ankaŭ sekuraj funkciuloj kaj la itala polico zorgas en Vatikano pri la sekureco.

En la jaro 2006 okazas la 500-jara datreveno de alveno de la svisaj gvardianoj (la 22-an de januaro) al la Vatikano.

Ili ĵuras ĉujare la 6-an de majo.

Eksteraj ligiloj

• Retpaĝo de la Svisa Gvardio, en lingvoj franca, germana, angla kaj itala
• Svisa Gvardio, anglalingva