Friedrichshain-Kreuzberg

	Friedrichshain-Kreuzberg urbodistrikto de Berlino

Friedrichshain-Kreuzberg estas unu el 12 urbodistriktoj de Berlino, la ĉefurbo de Germanio. La urbodistrikto kovras areon de 20,16 kvadrataj kilometroj kaj fine de novembro 2009 havis 269 398 loĝantojn - tio rezultigas loĝdenson de 13 357 loĝantoj po km². Kreuzberg, la pli okcidenta parto de la distrikto, inter la jaroj 1949 kaj 1990 situis en la okcidenta parto de Berlino, "insule" ĉirkaŭita de la teritorio de GDR, dum Friedrichshain, la orienta parto, situis en orienta Berlino, la ĉefurbo de GDR. En la reunigita urbego ĝi troviĝas sudoriente de la urbocentro, proksimume same for de la norda kaj suda urbolimo. Dum la 1970-aj kaj 1980-aj jaroj la okcidenta urboparto Kreuzberg konsideratis havi pli grandan koncentraĵon da turkoj ol iu alia urboparto en Eŭropo - iuj moketis, ke Kreuzberg estus la kvara plej granda turka urbo post Istanbulo, Ankaro kaj Izmiro. Post la reunuiĝo de Germanio kaj de Berlino la loĝantoj de la diversaj urbodistriktoj pli intermiksiĝis, tiel ke nun ĉie troveblas eksaj okcident- kaj orient-berlinanoj, turkaj kaj alietnaj urbanoj.

Partneraj urboj

Internacie

Szczecin, Pollando – ekde junio 1996

Kirjat Jam, Israelo – ekde 1990

Istanbulo-Kadıköy, Turkio – ekde aŭgusto 1996

Sofio-Oboriŝte, Bulgario – ekde majo 1999

San Rafael del Sur, Nikaragvo – ekde januaro 1986

Nacie

• Wiesbaden – ekde aprilo 1964
• Porta Westfalica – ekde aprilo 1968
• Ingelheim – ekde oktobro 1971
• distrikto Limburg-Weilburg – ekde marto 1980
• distrikto Bergstraße – ekde julio 1969