Montaraj herbejoj kaj arbustaroj

Biomoj (klasifiko de la WWF)
Tersupraĵaj Biomoj		Akvaj Biomoj
	Tundro		Kontinentaj plataxjoj
	Tajgo		Marbordoj
	Mezvarmaj foliaj kaj miksaj arbaroj		Riverbordarbaroj
	Mezvarmaj koniferarbaroj		Lagoj
	Tropikaj kaj subtropikaj humidaj foliarbaroj		Koralrifoj
	Tropikaj kaj subtropikaj sekaj foliarbaroj		Algarbaroj
	Tropikaj kaj subtropikaj koniferarbaroj		Flosglacio
	Tropikaj kaj subtropikaj savanoj kaj arbedaroj		Gejseroj
	Mezvarmaj herbejoj, savanoj kaj arbedaroj		Malvarmaj submarfontoj
	Montaraj herbejoj kaj arbustaroj		Bentaj zonoj
	Dezertoj kaj kserofitaroj		Pelagaj zonoj
	Mediteraneaj arbaroj, maldens-arbaroj kaj arbustaroj		Neritikaj zonoj
	Mangrovarbaroj	Aliaj biomoj
			Enroka biomo

Montaraj herbejoj kaj arbustaroj estas biomo difinita far la Monda Natur-Fonduso ( WWF ). La biomo inkluzivas alt-altitudajn ( montarajn, subalpajn, kaj alpajn ) herbejojn kaj arbustarojn tra la mondo.

Montaraj herbejoj kaj arbustaroj situante super la arbolimo kutime estas konataj kiel alpaj tundroj, kaj troviĝas en montaraj regionoj tra la mondo. Kriplaj subalpaj arbaroj estas konataj kiel arbaraĉoj, kaj troviĝas ĵus sub la arbolimo, kie malmildaj, ventaj cirkonstancoj kaj malriĉaj grundoj kreas nanajn kaj tordigitajn arbarojn de malrapide kreskantaj arboj.

Montaraj herbejoj kaj arbustaroj, precipe en subtropikaj kaj tropikaj regionoj, ofte disvolviĝis kiel virtualaj insuloj, disigitaj de aliaj montaraj regionoj per pli varmaj, malpli altaj regionoj, kaj multfoje gastigas multajn diferencajn endemiajn plantojn kiuj disvolviĝis reagante sur malvarma, humida klimato kaj abunda sunlumo. Karakterizaj plantoj de tiuj vivmedioj prezentas adaptiĝojn kiel rozetajn strukturojn, vaksajn supraĵojn, kaj foliojn kun multaj triĥomoj ( plantharoj ).

Unika karakterizo de multaj humidaj tropikaj montaraj regionoj estas la ĉeesto de gigant-rozetaj plantoj por varieco de plantofamiloj, kiel lobelio ( Lobelia ) ( Afrotropiko), Puya (Neotropiko), Cyathea ( Nov-Gvineo ), kaj Argyroxiphium ( Havajo ).

Humida paramo, naturrezervejo Cayambe Coca, Napo, Ekvadoro.

La plej vastaj Montaraj herbejoj kaj arbustaroj konstituas la neotropikajn paramojn de la Andoj. Tiu ĉi tipo de biomo ankaŭ troviĝas en la montaroj de orienta kaj sudorienta Afriko, Monto Kinabalu en Borneo, la plej altaj altitudoj de Okcidentaj Ghats en suda Hindujo kaj en la Centraj Altaĵaroj de Nov-Gvineo.

Kie la cirkonstancoj estas pli sekaj, oni trovas montarajn herbejojn, savanojn, kaj maldens-arbarojn, kiel la Etiopiajn Altaĵarojn, kaj montarajn stepojn, kiel la stepojn de la Tibeta Altebenaĵo.

Ekoregionoj el la Montaraj herbejoj kaj arbustaroj

• Montaraj herbejoj, maldens-arbaroj kaj arbaroj de Drakensbergoj ( Sud-Afriko, Lesoto, Svazilando )
• Paramo de Centra Montaro ( Ekvadoro )
• Paramo de Merida Montaro ( Venezuelo )
• Paramo de Nordaj Andoj ( Kolombio, Ekvadoro )
• Paramo de Santa Marta ( Kolombio )
• Paramo de Talamanca ( Kostariko, Panamo)

Eksteraj ligiloj

• Montaraj herbejoj kaj arbustaroj angle