Katolika Nacio

Dosiero:Logo.nacao catolica.jpg

Logobildo de la retejo

Katolika Nacio, portugale Nação Católica, estas portugallingva socia paĝaro konata de brazilaj katolikoj; la paĝaro similas al Orkut kaj Facebook, ĝi celas katolikojn, sed aliaj kristanaj grupoj jam ĉeestas en la paĝaro.

Katolika Nacio estas verko de ASJ (Asocio de Moŝto Jesuo) kaj TV Século 21 (TV 21-a Jarcento), ĝi ankaŭ estas apogata de diversaj katolikaj kaj kristanaj asocioj. La paĝaro estas originale kreita portugallingve, sed jam ekzistas tuja projekto por traduki ĝin al Esperanto, angla, germana kaj hispana .

Kuriozaĵo

Kvankam la interfaco de la paĝaro estas portugallingva, Esperanto jam estas la dua lingvo rilate al la kvanto de la artikoloj. Anoj de la socia retejo ricevas ĉiutage rektajn informojn de la Esperanta Departemento de Vatikana Radio, de IKUE (Internacia Katolika Uniĝo de Esperantistoj) kaj de SAKE (Sendependa Asocio de Katolikaj Esperantistoj).

Celoj

Ĉi tiu paĝaro estis kreita unue por kunigi la brazilan katolikaron, sed hodiaŭ ĉeestas kristanoj de aliaj mondpartoj aktive partoprenante je la paĝaro.

Eksteraj ligoj

Paĝaro de Katolika Nacio