Vera Muĥina

Vera Ignatievna MUĤINA (ruslingve Вера Игнатьевна Мухина) (n. la 1-an de julio 1889 en Rigo - m. la 6-an de oktobro 1953 en Moskvo) estis elstara sovjeta skulptistino.

Ŝia plej fama verko estas la giganta monumento Laboristo kaj Kolĥozanino, kiu estis la plej grava elemento de la sovjeta pavilono dum la Pariza Internacia ekspozicio en 1937.

Dum la 1940-aj jaroj, la arta stilo de Muĥina ŝajne ne plu kongruis kun la preferoj de Stalino : ŝiaj projektoj estis aŭ rifuzitaj, aŭ serioze modifitaj : bonaj ekzemploj estas ŝiaj monumentoj dediĉitaj al Lenino aŭ Pjotr Iljiĉ Ĉajkovskij. Nur malmultan influon havas la verkaro de Muĥina en hodiaŭa Rusio.