Cifereca

Elektrotekniko kaj Elektroniko > Cifereca

---

Tia, ke ĝi estas esprimata aŭ funkcianta pere de diskrete reprezentataj kvantoj, t.e. per kvantoj, kiuj povas alpreni nur certajn difinitajn valorojn, kaj kiuj ne estas kontinue ŝanĝeblaj (en maniero simila al ciferoj). La malo de cifereca estas analoga.

Cifereca reprezentado kaj cifereca tekniko estas multege uzataj en komputiloj, kaj ĝenerale en moderna tekniko.

Same kiel oni uzas la radikon ret- por ret-rilatajn aferojn (retmesaĝo, retkafejo...), ankaŭ eblas uzi la kap-vorton bit- por paroli pri ciferecaj aferoj. Bitfotilo, bitfilmilo, bitmuziklegilo, bit-viruso (komputila), bit-cimo... Temas pri pli mallonga radiko ol cifereca kaj signifas ke tiaj aĵoj funkcias per traktado de bitoj.

(Evitendaj sinonimoj de cifereca estas diĝita kaj digitala.)