Göteborg

• Koordinatoj: 57° 43′ N 11° 58′ O (mapo)

Liseberg amuzparko, Göteborg

Göteborg (svede jœte'bɔrj,  Göteborg; esperante Gotenburgo). Fondita en 1619 de sveda reĝo Gustavo la 2-a Adolfo. La urbo situas sur la okcidenta bordo apud la elfluejo de la rivero Göta.

Gotenburgo estas la dua plej granda urbo de Svedio kun pli ol duona miliono da loĝantoj en la dense loĝata areo kaj preskaŭ 900 000 en Gotenburgo kun ĉirkaŭurboj. La urbo kunkreskis kun apudaj dense loĝataj areoj en la apudaj komunumoj Mölndal kaj Partille. Kelkaj el la grandaj industriaj konzernoj kiel Volvo, SKF kaj aliaj bone konataj industriaj teknikaj kompanioj kiel ESAB kaj Hasselblad AB ekestis kaj havas siajn ĉefoficejojn en Gotenburgo. Granda parto de la svedaj eksporto kaj importo iras tra la haveno de Gotenburgo, kiu estas la plej granda haveno de Nordio. Gotenburgo estas ĉefurbo de la moderna sveda provinco Västra Götalands län kaj episkopa sidejo de Gotenburga diocezo.

En ĝi okazis la 8-a kongreso de Sennacieca Asocio Tutmonda (SAT) de la 14-a ĝis 18-a de aŭgusto 1928 kun ĉ. 400 partoprenantoj el 24 landoj. En la kongreso interkonsentiĝis konvencio inter SAT kaj LEA-oj. La kongreso akcentis la kulturan, edukan, ne-politikan kaj kontraŭdogman karakteron de SAT. En la urbo ankaŭ okazis la SAT-kongreso en 1976 kaj la 88-a Universala Kongreso de Esperanto en 2003.
EdE-G

Urba blazono de Gotenburgo

Leono rigardas en la heraldike "malĝustan" direkton.

Esperantistoj de Gotenburgo

Tie loĝis Thorsten Torbäj kaj Märtha Andréasson.

Eksteraj ligiloj

greke http://www.goteborg.com greke http://www.goteborg.se/ greke Esperanto-Societo de Gotenburgo greke UK en 2003 greke Bildoj el Göteborg en la Bildarkivo Aŭstria

Vidu ankaŭ

• Eŭrovido-Kantokonkurso 1985
• Listo de urboj de Svedio

• 
• 
•