Antonio Caetano Coutinho

Brazilaj geesperantistoj

---

Antonio Caetano COUTINHO (kotinju), (naskiĝis 1879, mortis la 15-an de februaro 1970 en Rio de Janeiro) estis brazilano, farmaciisto. Li tradukis la verkon "Unuaj Lecionoj" de Théophile CART. Lingva Komitatano de 1905.

Li lernis Esperanton en 1898 varbite de la unua esperantisto brazila, la supera juĝisto d-ro Baggi de Araujo. La broŝuron "Unuaj lecionoj" de Cart li tradukis portugalen, kaj la tradukon eldonis Hachette en Parizo. Jam en 1905 li estis elektita en la Lingvan Komitaton. Multon li verkis en Esperanto, precipe por Brazila Esperantisto, kies direktoro li estis. "Esperantaj prozaĵoj" prezentasbelan tradukon lian. "Antologio de brazilaj rakontoj" estas grandparte reviziita de li. En 1950 UEA aklamis lin Honora Membro. Diplomita pri farmacio, li plenumis la oficon de FD. Centojn da kursoj per korespondado de BEL li zorgeme gvidis. (Esperanto, n-ro 775).

Tradukoj

• Cart, Théophile: Primeiras lições de Esperanto (1907)
• Notas sobre o Esperanto no estado de Minas Gerais (1947)
• Barreto, Abilio:Resumo de la historio de Belo Horizonte: ĉefurbo de la stato Minas Gerais (1949)
• Da Graça Aranha, José Pereira: Kanaano : romano (1987)
• Machado de Assis, Joachim Maria: Teatro (kvar komedioj), (trad. M. Aveleza de Sousa; A. Caetano Coutinho; Henerik Kocher; Débora do Amaral, 1958)
• Octávio, Rodrigo: Gongo velho (En: Antologio de brazilaj rakontoj)
• Sandoval, Rosalia: La miozoto