Regiono Kagera

Situo en Tanzanio

Kagera estas regiono de Tanzanio. Ĝia ĉefurbo estas Bukoba. Ĝi havas areon de 28.388 km² (ne kalkulante akvan surfacon) kaj iom pli ol du milionojn da loĝantoj (en 2002).

Kagera situas nord-okcidente de la lando, inter Viktoria Lago oriente kaj Ruando kaj Burundo okcidente. Norde ĝi limas al Ugando, sude al la regionoj Kigoma, Shinyanga kaj Mwanza. Tra la regiono fluas rivero Kagero, venanta el Ruando kaj iranta en Viktorian Lagon.

Kagera situas inter 1° 0' kaj 2° 45' sude de la ekvatoro, sed ĝia alto de pli ol 1.000 metroj kaj la proksimeco de Viktoria Lago iom mildigas la klimaton. Pro sia situo ĉe la lago kaj inter pluraj landoj ĝi estas grava por trafiko, komerco kaj turismo.