Centr-andaj paramoj

Parama pejzaĝo en Ekvadoro

La Centr-andaj paramoj estas tersupraĵa ekoregiono el la Ekoprovinco de Centra Andoj de la Neotropika ekozono laŭ la tipologio de la Monda Natur-Fonduso ( WWF ) kaj de la Nacia Geografia Societo. Biome la ekoregiono apartenas al Montaraj herbejoj kaj arbustaroj kiuj nomiĝas en tiu parto de Sudameriko : paramoj.

Priskribo

La ekoregiono okupas areon de 14128 kvadratajn kilometrojn kaj situas je altaj altitudoj de Andoj, en la sudo de Ekvadoro kaj la nordo de Peruo, inter la arbarolimo je 3200 metroj kaj la neĝolinio de daŭra neĝo je 4500 metroj. Apud la plej malaltaj altitudoj la ekoregiono limtuŝas nubarbarojn kaj transirajn arbarojn.

La klimato estas malvarma kaj humida, kun alta precipitaĵo kaj estas tre nuba. Nokte, malaltaj temperaturoj ĝenerale malsuperas 0° C.

En tiu alt-montara zono troviĝas aliaj similaj paramaj ekoregionoj.

Vegetaĵaro

Tipa pejzaĝo estas kvazaŭ senarba humida arbustetaro kun arbedoj el la genro Ferreyrathus kaj herboj el la genroj Calamagrostis, Agrostis, Hypericum. Oni trovas arbojn el la genroj Polylepis kaj Escallonia .

Bibliografio

• Ferreyra, R 1988 : Flora y vegetación del Perú. Las 8 regiones naturales. Lima hispane
• Rodríguez, L. 1996 : Diversidad Biológica del Perú : Zonas prioritarias para su conservación. Proyecto FANPE GTZ-INRENA. Lima. hispane

Eksteraj ligiloj

• Ekoregiono NT1004 : Centr-andaj paramoj ( WWF ) angle
• Centr-andaj paramoj ( Nacia Geografia Societo ) angle
• Situo de la ekoregiono : tajpu Cordillera Central páramo angle
• Arboj kaj arbedoj de ekvadoraj Andoj angle