Flosglacio

Flosglacio (flosanta glacio) estiĝas dum varmiĝo kaj disiĝo de glacimasoj ĉe la polusoj aŭ ĉe riveroj, maroj, ktp. (La polusajn glacitabulegojn frostiĝantajn el marakvo, oni nomas bankizoj.) Granda peco de flosglacio estas glacimonto.

Denso de glacio estas 0,920, denso de mara akvo estas ĉirkaŭ 1,025. Do glacimonto flosas, sed 90% de ĝia volumeno troviĝas sub la surfaco de la akvo.

La riveraj flosglacioj (post fruprintempa varmiĝo) povas endanĝerigi la pontojn, kolektiĝante ĉe pilieroj, barante la akvofluon kaj premante la konstruaĵon.

Kun daŭra varmiĝo de la Tero, ĉiam pli kaj pli da flosglacioj disiĝas de la polusaj glaĉerŝildoj de Arkto kaj Antarkto.

Vidu ankaŭ jenon:

• Antarkto
• Glacimonto
• Glacio
• Bankizo
• Floso
• Glaĉero

Eksteraj ligiloj

greke http://nsidc.org/sotc/sea_ice.html greke http://nsidc.org/data/seaice_index greke http://adsabs.harvard.edu/cgi-bin/nph-bib_query?bibcode=2002GeoRL..29x..28G&db_key=AST greke http://www.arctic.noaa.gov/essay_wadhams.html