Nov-Skotio

Nov-Skotio
Alternativa nomo	Nova Scotia / Nouvelle-Écosse
Plena nomo	Nov-Skotio
Devizo: Munit Haec et Altera Vincit (latina = Unu defendas kaj la alia venkas)
Oficialaj lingvoj	neniu (angla, franca, kaj skotgaela uzataj)
Floro	Epigeo
Arbo	Ruĝa piceo
Birdo	Fiŝaglo
Ĉefurbo	Halifakso
Plej granda urbo	Halifakso
Leŭtenanta Guberniestro	Mayann E. Francis
Ĉefministro	Darrell Dexter
Reprezentiĝo en la Parlamento  - Deputitoj  - Senatanoj	11 10
Areo Tuto  - Tero  - Akvo  (% de tuto)	12-a rango 55.283 km² 53.338 km² 1.946 km² (3,5{%)
Loĝantaro  - Tuto (2006)  - Loĝdenso	7-a rango 934.405 16,94 po km²
MEP (2005)  - Tuto  - Popersone	$31,451 milardoj (7-a) $33.533 (11-a)
Aliĝo al Konfederacio	1-a de julio 1867 (1-a)
Tempozono	UTC -4
Mallongigoj  - Poŝta  - ISO 3166-2  - Poŝtkoda(j) prefikso(j)	NS CA-NS B
Retejo	www.gov.ns.ca
Ĉiu rangigo inkluzivas la teritoriojn

Nov-Skotio aŭ Nov-Skotujo (angle Nova Scotia [NO-va SKO-ŝa], france Nouvelle-Écosse [nuvEL ekOS], skotgaele Alba Nuadh) estas ĉe-mara provinco de Kanado. Norde estas la Golfo Sankt-Laŭrenco kaj la Insulo de Princo Eduardo, kaj sude la Atlantiko. Okcidente estas Nov-Brunsviko kaj la Golfo de Fundy.

William Alexander, 1st Earl of Stirling nomis la provincon por Skotlando, sia patrujo, en 1621. Nov-Skotio aliĝis al la Kanada Konfederacio je la 1-a de julio, 1867 kaj estas unu el la kvar originaj provincoj.

Historio

En 1605, la franca esploristo Champlain, kaj De Monts, fondis Port Royal en Akadio, la franca nomo por la maraj provincoj. Laŭ la Traktado de Utrecht, 1713, la francoj perdis Nov-Skotion, krom la Insulo de Breton-Kabo kaj la Insulo Saint Jean (Insulo de Princo Eduardo). La francoj konstruis Fortikaĵon Luisburgon por gardi la Golfon Sankt-Laŭrencon por la francoj. La francoj perdis la fortikaĵon post la Sepjara milito (1756-1763). Multaj akadianoj fuĝis al Luiziano, kaj la posteuloj en Usono nomiĝas hodiaŭ "cajuns". Nuntempe estas nur 35.000 homoj, kiuj parolas la francan kiel gepatran lingvon en Nov-Skotio.

Geografio

Satelita foto de Nov-Skotio

La ĉef-tero de Nov-Skotio estas duoninsulo, ligita al la kontinento de Nordameriko per la Istmo de Chignecto kaj ĉirkaŭata de la Atlantika Oceano. Insulo de Breton-Kabo, granda insulo nord-oriente de la nov-skotia duoninsulo, ankaŭ estas parto de la provinco, same kiel Zibela Insulo, insuleto fama pro ŝip-pereoj kiu troviĝas 175 km-ojn de la suda marbordo de Nov-Skotio. Nov-Skotio estas la due plej malgranda provinco de Kanado (nur Insulo de Princo Eduardo estas malpli granda), kaj estas neniu loko en Nov-Skotio pli ol 56 km-ojn for de la maro.

Plej grandaj municipoj de Nov-Skotio

Municipo	2001	1996
Halifakso	359.111	342.851
Breton-Kabo	105.968	114.733
Lunenburg	47.591	47.561
Reĝa Distrikto	47.159	47.486
Distrikto de Colchester	35.641	35.161
Distrikto de Yarmouth	26.843	25.467
Distrikto de Pictou	21.778	22.671
East Hants	20.821	19.767
Distrikto Annapolis	18.429	18.937
Distrikto Cumberland	16.183	17.738

Mapo