Old Shatterhand

Por aliaj signifoj, bv. rigardi la apartigilan paĝon: Old Shatterhand

Karl May kiel Old Shatterhand, fotografio el la jaro 1896.

Arbarano Old Shatterhand estas komune kun sia amiko laŭsanga frato indiana estro Winnetou la plej konata literatura staturo, kiun kreis germana verkisto Karl May. La nomo "Shatterhand" en traduko signifas "Eriganta mano" kaj la komenca "Old" estas aldonita, ĉar May konsideris tion kiel tipe amerika kaj plie simbolanta, ke la heroo estas sperta, ruza aŭ merita. La romana old Shatterhand ricevis sian nomon de sia amiko Sam Hawkens pro tio, ke li kapablis sian kontraŭulon neneniigi per unu bato de la pugno.

Prototipo de tiu ĉi heroo aperis ne nur de amerika Sovaĝa Okcidento, sed ankaŭ de Oriento, kie li estas konata sub nomo Kara ben Nemsi.

Dosiero:Lex Barker as Old Shatterhand.jpg

Lex Barker en rolo de Old Shatterhand

Konataj atributoj de Old Shatterhand estas liaj pafiloj ursobatilo (Bärentöter) kaj henrya pafilo (Henrystutzen), ambaŭ fabrikitaj de fikcia pafilisto de nomo Henry el St. Louis. La henrya pafilo ebligis elpafi 25 ekpafojn sen ŝargado kaj ĝi estas evidente mesaĝo al vera pafilo de Benjamin Tyler Henry. En Ameriko Old Shatterhand rajdis ĉevalon Hatátitlá (Fulmo), kiun donacis al li Winnetou kaj kiu estis ulo el gefratoj de lia propra ĉevalo Ilĉí (Vento).

Karl May ankaŭ nomigis laŭ Old Shatterhand sian domon en Radebeul ĉe Dresdeno, kiun li nomigis "Vilao Shatterhand" kaj hodiaŭ estas en ĝi muzeo.

La staturo de Old Shatterhand fariĝis denove tre populara post la jaro 1962, kiam estis filmita unu el la plej famaj filmoj inspiritaj de verko de Karl May La trezoro sur Arĝenta lago. En tiu ĉi kaj kelkaj sekvantaj filmaj adaptoj pruntedonis al li la vizaĝon la usona aktoro Lex Barker.