Traŭmato (medicino)

"Korpa" aŭ "fizika" traŭmato (de la greka vorto τραύμα; traŭma, plurale τραύματα, traŭmata) en la fakoj medicino kaj biologio estas lezo (iusenĉa vundiĝo) de korpa histo aŭ organo, kiu ekestis pro agreso de ekster la korpo. La scienco pri diversspecaj vundiĝoj kaj ilia trakto nomiĝas traŭmatologio.

Plurobla traŭmato estas vundiĝo de pluraj korpaj regionoj aŭ organoj. Se tia plurobla traŭmato estas vivdanĝeriga, en la fako medicino oni parolas pri "politraŭmato".

Kontraste al "fizikaj traŭmatoj" la fakoj medicino kaj psikologio difinas psikan traŭmaton iusenĉa forta de-ekstera vundiĝo de la homa psiko, kiu ligiĝas al psike malekvilibriga travivaĵo (kiu eble, sed ne necese, ankaŭ kaŭzis korpan traŭmaton).

Reta ligilo

greke anglalingva paĝaro pri korpaj traŭmatoj