Kultivado

Kultivado en biologio laŭ PIV estas la "kreskigo (de plantoj), prilaborante la teron kaj havigante plej favorajn kondiĉojn".

La vorto plantoj en tiu difino estas inter krampoj: Kvankam la agrikultura kultivado de manĝeblaj plantoj kaj la ĝardena kaj parka kultivado de dekoraj plantoj (floroj, arbustoj ktp.) estas ofta uzo de la vorto kaj konsistigas vastan gamon de agrikulturaj sciencoj (vidu ekzemple la vinkultivadon), eblas kultivi ekzemple ankaŭ bakteriojn en mikrobiologia laboratorio kaj eblas kultivi fungojn (ekzemple ĉampinjonojn) por posta manĝado. Nur kiam temas pri kreskigo de bestoj en agrikultura senco, oni parolas ne pri kultivado, sed pri bestobredado.

• 
  kultivado de bakterioj en laboratorio
• historia bildo: semado kaj erpado de grajnoj
  historia bildo: semado kaj erpado de grajnoj
• 
  forcejo por kultivado de fragoj ekster la normala sezono