Apache OpenOffice

Tiu ĉi artikolo temas pri la ofica programaro "OpenOffice.org", aŭ mallonge OOO. La mallongigo ankaŭ servas por la rusa vorto "Общество с ограниченной ответственностью", la formo de societo kun limigita respondeco en Rusio.

OpenOffice.org
OpenOffice.org Writer (versio 3)
Lasta stabila versio	3.3.0 (26-a de januaro 2011)
Lasta testa versio	3.4 EK (12-a de aprilo 2011)
Operaciumo	plursistema
Programlingvo	C++, Java
Lingvo(j)	ankaŭ Esperanto
Programtipo	ofica programaro
Permesilo	GNU LGPL
Retejo	http://eo.openoffice.org/

OpenOffice.org estas ofica programaro, simila al "Microsoft Office" (t.e. Word, Excel, Power Point, Access, ktp) sed OpenOffice.org estas libera kaj malfermit-koda programaro. Por uzantoj, tio signifas, ke ĝi estas senpage disponebla al ĉiuj, por instali tiom da fojojn en tiom da komputiloj, kiom oni volas. Por programistoj, tio signifas ke iu ajn rajtas kaj povas modifi kaj reeldoni la programaron. Kaj la permesilo kun kiu ĝi estas eldonata signifas, ke ĝi ĉiam estos tia -- senpaga, libera por ĉiuj.

En decembro de 2004, nova "eta" versio eldoniĝis, nomita 1.1.4. Ĝi havis neniujn novajn funkciojn kompare kun 1.1.3, sed multe da korektoj (da sencimigoj). Versio 2.4.0, aperis (komence nur en angla lingvo) en marto 2008. Uzantoj de la programaro antaŭĝojis tiun version, ĉar ĝi estas pli kongrua kun Microsoft Office. Versio 3.0 aperis en oktobro 2008.

LibreOffice

Fine de septembro 2010 disiĝis granda parto de la evoluteamo kun la celo memstare pluevoluigi ofican programaron aparte de 'OpenOffice.org'; la nova programaro nomiĝas LibreOffice, kombinante la francan/hispanan 'libre' (libera) kun la angla 'office' (oficejo) kaj tiel indikante pli fortan konsideron de aliaj lingvoj. Dum 'OpenOffice.org' estas proprieto de la komerca entrepreno 'Oracle', 'LibreOffice' apartenas al speciala fondaĵo The Document Foundation (dokumenta fondaĵo).

Elementoj

OpenOffice.org inkluzivas i.a. dokumentoredaktilon (Writer), kalkultabelilon (Calc), prezentilon (Impress), datumbaz-manipulilon (Base), desegnilon (Draw) kaj formulilon (Math).

Dosieraj formatoj

OpenOffice.org pioniris la ISO/IEC-normajn dosierformatojn "OpenDocument" (ODF), kiun ĝi uzas defaŭlte. Ĝi ankaŭ subtenas legadon (kaj ĝenerale skribadon) multajn heredaĵajn kaj aktualajn proprietajn dosierformatojn (ekzemple: WordPerfect per libwpd, StarOffice, Lotus Software, MS Works per libwps, Rich Text Format), kaj formatoj de Microsoft Office. Ek de versio 3.0 la defaŭlta formato de OpenOffice.org estas bazita sur nefinitaj versioj por OASIS ODF 1.2. La nomro OpenDocument estis aprobita por publikigo kiel Internaci Normo de ISO kaj IEClaŭ la nomo ISO/IEC 26300:2006.

OpenOffice.org kaj Esperanto

Esperantan version de OpenOffice.org estas kreanta internacia skipo, sub projekto aŭspiciata de UEA.

La Esperanto-versio estas preparata de internacia teamo, gvidata de Joey Stanford kaj Tim Morley kaj estas la sola reta projekto rekte aŭspiciata de UEA. La tradukskipo kunlaboras kun la E@I-projekto Komputeko rilate tradukojn de prikomputilaj terminoj.

La Esperanto-versio estas fintradukita, sed ankoraŭ mankas tralego. La teamo esperis eldoni sian unuan version en 2005, sed en Februaro 2012 la eldono ankoraŭ ne aperis.

Esperantigo de la moduloj

La tradukskipo uzas tradukitajn nomojn por la diversaj partoj de la programaro, sed lasis "OpenOffice.org" netradukita.

• Writer → Verkilo
• Calc → Tabelkalkulilo
• Impress → Prezentilo
• Draw → Desegnilo
• Math → Matematikilo
• Base → Datumbazilo

Vidu ankaŭ

• BASIC (programlingvo)
• Estas konfirmita Rusia normo pri OpenDocument v1.0 — Vikinovaĵoj, 24 Dec. 2010

Eksteraj ligiloj

• Esperanta versio de OpenOffice.org
• Instalado de ĉapelilo kaj literumilo klarigita de Bertilo Wennergren.
• liberafolio.org: Iom post iom pretiĝas traduko de OpenOffice.org