Persa Golfo

Persa golfo
maro
Mapo de Persa Golfo.
Profundeco
Maksimuma	104 m
Larĝeco	380 km
Longeco	1,000 km
Areo	239,000 km²
Supra tutaĵo	Hinda oceano
Najbaraj tutaĵoj	Hormuza markolo Golfo de Omano
Kontinento	Azio
Landoj	Irano  Irako  Kuvajto  Kataro  Barejno  Sauda Arabio  Unuiĝintaj Arabaj Emirlandoj  Omano
Alfluantoj	Ŝatt al-Arab

Persa Golfo situas en la nord-okcidento de la Hinda Oceano, ĉe la bordoj de Azio.

En oriento ĝi per la Hormuza Markolo kaj la Golfo de Omano ligiĝas kun la Araba Maro. Ĝia areo ampleksas 240 000 km². La golfo havas profundon de ĝis 115 m; ĝi longas 1000 kilometrojn kaj la maksimuma larĝo estas 370 kilometroj. La suda bordo estas ebena, sed la norda ĉe la irana bordo montara. La Persan Golfon enfluas la rivero Ŝatt al-Arab, kunfluo de Eŭfrato, Tigriso kaj Karuno. Ĉe la bordoj estas multaj insuloj. Sur la fundo estas gravaj krudaĵoj de nafto. Ok landoj havas bordojn rande de la Persa Golfo: Irano, Irako, Kuvajto, Saŭda Arabio, Barejno, Kataro, la Unuiĝintaj Arabaj Emirlandoj kaj Omano. La ĉefaj havenoj estas Fao, Basra (Irano), Abadan, Bender-Ŝaĥpur (Irano), El-Kuvajto (Kuvajto), Ras-Tanura, Manamo (Barejno) kaj Um-Sajd (Kataro).

Antaŭ kelkaj jaroj seriozaj incidentoj okazis en la regiono de la golfo: dum la Iraka-irana milito de 1983 kaj la Iraka-kuvajta konflikto de 1991 granda kvanto da nafto, transportata per naftoŝipoj, estis disverŝita en la akvon pro la bombatakoj de militantaj trupoj.

Dosiero:Old map.JPG

Old map

Dosiero:PARSSEA.JPG

PARSSEA

Dosiero:Hors sinus persic mare persicum.JPG

Bunting H.S.Q34/24CM Hanover,1620 published in iranology fundation2008 page168

Dosiero:PERSIAN EMPIRE ARABIC MAP.jpg

PERSIAN EMPIRE ARABIC MAP

La areo de la Persa Golfo malrapide malkreskadis dum la lastaj 6000 jaroj. La teritorioj de la tuta Kuvajto kaj malsupra Irako estis parto de ĝia baseno. Kaj nuntempe, la proceso daŭras pro la grandaj sedimentoj de la Ŝatt al-Arab en sia delto.