Hans Egede

Hans Egede

Hans Egede (n. la 31-an de januaro 1686 en Harstad, Norvegio – m. la 5-an de novembro 1758), estis norvega luterana misiisto, konata kiel la Apostolo de Gronlando. Li studis en la Universitato de Kopenhago kaj ekde 1706 laboris kiel pastoro. Pro lia legado, la pastoro interesiĝis pri la kolonio Gronlando kaj instigis al la dana registaro financi ekspedicion kun la celo reformigi la kolonion.

Li eliris el Bergen la 3-an de majo 1721 kun sia familio kaj tri ŝipoj. Alveninte al la okcidenta bordo de Gronlando la 4-an de julio, li rimarkis ke ne restis nordia loĝantaro en tiu regiono, pro kio li sindediĉis al la kristaniĝo de la loka loĝantaro. Li fondis Godthåb (Nuko), la ĉefurbo de Gronlando. Li estis grava ankaŭ por la ekiĝo de la komercado inter Danio kaj Gronlando. Li restis en la kolonio ĝis 1736, sed devis reveni al Eŭropo pro la sanstato. Li estis nomumita direktoro de la seminario de Kopenhago, kie studis la misiistoj por Gronlando. Li publikigis libron pri la natura historio de Gronlando.

Lia filo, Paul Egede, ankaŭ estis misiisto en Gronlando kaj kompletigis la komencan tradukon far lia patro de la Nova Testamento (1766). Krom tio li publikigis vortaron kun tradukoj de la inuktituta lingvo al la dana kaj latina (1750), gramatiklibro (1760) kaj kateĥismo (1756) en inuktituta.