Ionel Oneț

Ionel Oneț prezentas librojn en Malferma Tago de UEA

Ionel ONEȚ [ionel' onec'] (naskiĝis en 1956 en Transilvanio) estas rumana esperantisto. Li eklernis Esperanton en 1981. Ekde 1988 li vivas ekster Rumanio. Aktivas en la Esperanto-movado je diversaj niveloj — en sia denaska Rumanio kaj en siaj adoptaj landoj, Usono kaj Nederlando.

Li tradukis en Esperanton el la lingvoj: rumana, angla, franca, romanĉa kaj el Esperanto, franca kaj la angla en la rumanan. Aperigis kelkajn librojn kaj centojn da materialoj (originalaĵoj kaj tradukaĵoj) en periodaĵoj, en la lingvoj Esperanto, rumana, angla.

Ekde de 1989 li laboras profesie por Esperanto, unue ĉe ELNA, ekde majo 2002 ĉe UEA. En 1990 li fondis Eldonejon Bero, ĉe kiu aperas nur verkoj en aŭ pri Esperanto. Li cetere instruis Esperanton kaj prelegis en aŭ pri tiu lingvo en diversaj landoj.

Iama redaktoro de Bukureŝta Informilo, Esperanto USA kaj La Orient-ekspreso, kaj kunredaktoro de ELNA Update.

Verkoj

Originalaj

• Primii pași în esperanto (lernolibro, 1993)
• ABC de esperanto (informilo, 1994)
• Alți pași în esperanto (lernolibro, 1997)
• Usono nigre-blanke (informlibro, 1998)
• Dicționar de buzunar esperanto-român și român-esperanto (vortaro, 2002)
• Esperanto – dicționar pentru începători (vortaro, 2004)

Tradukoj

• 4 * (4 * 4) rumanaj poemoj (1990)
• Aforismoj kaj tekstoj de Constantin Brâncuşi (1994)
• L' avantaĝo de l' vertebroj (surrealisma poemo de Gellu Naum, 1995)
• Paĝoj bizaraj (tekstoj de avangarda verkisto Urmuz, 1998)
• Sep manifestoj DADA (tekstoj de Tristan Tzara, 2001)
• Gerda malaperis! – vortlisto/vocabular (2003)
• Esperanto - manual de limba internațională (A) (lernolibro, 2003)
• Esperanto - manual de limba internațională (B) (lernolibro, 2004)
• Reĝino Jokasta (triakta dramo de Constantin Zărnescu, 2004)
• Ekzile (du noveloj de Mircea Eliade, 2006)
• Fraŭlino Maitreyi (romano de Mircea Eliade, 2007)
• Esperanto pri metoda directă (lernolibro de Stano Marček, 2007)
• Rip Van Winkle (rakonto de Washington Irving, 2009)
• Kontribuis po unu prozaĵon al Orbito nula 1 (1995), Beletra almanako 1 (2007), Beletra almanako 4 (2009) kaj Beletra almanako 10 (2011), kaj poemojn al Beletra almanako 3 (2008), Beletra almanako 5 (2009) kaj Beletra almanako 11 (2011).

Kunlabore:

• L' ekzakto de l' ombro (surrealismaj poemoj de Gellu Naum, 1995)
• Documente esperanto (6 volumoj, 1997-2002)

Aliaj

• Li kontribuis al BA1, BA3, BA4, BA5, BA10 kaj BA11.
• Ĉefa kunlaboranto kaj redaktoro de Bibliografie de traduceri din literatura română în limba esperanto (2007)