Mijas

La blankaj domoj de Mijas

Mijas [MIĥas] estas komunumo kiu situas je la Costa del Sol (Bordo de la Suno), en la hispana provinco Malaga en la regiono Andaluzio kun areo de 149 km². En 2001 Mijas havis 46 232 loĝantoj.

Ĝeneralaĵoj

La komunumo limas je la Mediteraneo kaj la komunumoj Fuengirola, Benalmádena, Alhaurín de la Torre, Alhaurín el Grande, Marbella, Ojén kaj Coín. Ĝi havas tri urbocentrojn: Mijas Pueblo en la montaro (Sierra de Mijas), Las Lagunas en Mijas Costa, kaj la marborda loko La Cala, la centro de ĉ. 12 km da marbordo en la komunumo.

Mijas Pueblo estas tielnomata pueblo blanco (blanka urbo) kaj pro tio turista allogaĵo. Ankaŭ la azentaksioj kontribuas al tio. Ĝi situas proksimume 5 km landinternen je pli ol 400 m super marnivelo.

Klimato

La klimato de Mijas estas milda pro la situo ĉe la maro, kun averaĝa temperaturo de 18 °C, sen tro da varmo dum la somero aŭ malvormo dum la vintro.

La pluvkvanto estas malpli ol 600 mm jare kaj ĉefe pluvas inter la monatoj novembro kaj januaro.

La klimato ŝanĝiĝas laŭgrade kiel oni iras al la montara regiono. La averaĝa temperaturo povas malaltiĝi ĝis 10º. Super 600 m dum la vintro povas iom frosti. Ankaŭ la pluvkvanto plgrandiĝas ĝis preskaŭ 800 mm.

Averaĝa temperaturo: 18 °C Sunhoroj jare: 2 920 horoj/jaro Pluvkvanto: 600 l/m2

• 
  Mijas (urbo)
• 
  Mijas (urbo)
• 
  Strato en Mijas
• 
  Placo en Mijas
• 
  Hotelo en Mijas
• 
  Azentaksio
• 
  Ĉevalo kun sunombrelo
• 
  Mijas Golfejo