Kazuaro

Kiel legi la taksonomion Kazuaro
Suda kazuaro
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Strutoformaj Struthioniformes Familio: Kazuaredoj Casuariidae Genro: Kazuaro Casuarius Brisson, 1760
Specioj
Suda kazuaro Casuarius casuarius Norda kazuaro Casuarius unappendiculatus Nana kazuaro Casuarius bennetti
Aliaj Vikimediaj projektoj

La kazuaro (Casuarius) estas aŭstralazia birdogenro al kiu apartenas tri specioj da neflugaj birdoj loĝantaj en tropikaj arbaroj de insulo Nov-Gvineo kaj norda Aŭstralio. Ili manĝas ĉion: ĉefe fruktojn, sed ankaŭ fungojn, helikojn, insektojn, ranojn, serpentojn kaj ĉiajn bestetojn. Ili vivis ĝis 40- 50 jaroj.

La kazuaroj estas ne tre konataj birdoj, ĉar ili preferas kaŝi sin ene de malatingebla kaj malhela arbaro for de la homa ĉeesto. Eĉ la sud kazuaro kiu loĝas ankaŭ en Aŭstralio ne estas tre konata. Ĝi estas la due plej granda birdo en la lando kaj la tria en la mondo (post struto kaj emuo). Plenkreskuloj estas 1.5 ĝis 1.8 metrojn altaj kaj pezas ĉirkaŭ 60 kg. Ili havas nigra korpon kun longa, brilblua kolo kaj ruĝaj subaj partoj. Inoj estas -malkiel la plej multaj birdoj - pli grandaj kaj bruntaj. Ili havas ostan kaskon surkape uzebla por serĉado inter arbustoj kaj herbo, do la ununura armita birdo. Krome ili havas longajn kaj danĝerajn krifojn (ĝis 12 cm.). Ili rapidkuras (ĝis 50 km/h.) kaj saltas ĝis 1.5 m. Ili ankaŭ estas bonaj naĝantoj.

En Nov-Gvineo la loĝantaro ofte bredas kazuaridojn el rabitaj ovoj, kvankam el tio povas rezulti vera danĝero. La kazuaroj povas ataki en tiu nenatura medio (ĉefe vunditaj aŭ minacataj ĉu de homoj ĉu de hundoj) kaj grave vundegi aŭ eĉ mortigi homojn.

Inoj demetas el 3 ĝis 8 ovoj, nur tion faras inoj. Virbirdoj kovas la ovojn dum du monatoj kaj zorgas pri la kazuaridoj dum naŭ monatoj.

Sudaj kaj nordaj kazuaroj estas endanĝerigitaj specioj pro manko da loĝloko. Por tio ili konkurencas kun homoj kaj plie endanĝeriĝas kiam ili manĝas fruktojn de ĝardenoj.