Selma (Alabamo)

Hotelo en Selma

Selma estas urbo en Alabamo, ŝtato de Usono, de kiu partoprenantoj de la marŝo por justeco de D-ro Martin Luther King iris en la jaro 1965 al Montgomery, la ĉefurbo de la ŝtato.

Mapo pri situo de Selma en Alabamo

Bazaj informoj

• Koordinatoj: 32° 27′ N 87° 01′ U (mapo)
• Areo: 37 km²
• Loĝantaro: 20.756 (en 2010)
• Supermara alteco: 38 m
• Horzono: UTC-6h (en somero UTC-5h)
• Poŝtkodo: 36701–36703
• Telefonkodo: 334

Kapelo Brown en Selma

Geografio

Selma situas laŭ rivero sur ebenaĵo en la suda parto de Usono, en la meza parto de Alabamo.

Historio

La plej frue indianoj vivis en tiu areo. Selma estis oficiale registrita en 1732 kiel Ecor Bienville. En 1820 Selma urbiĝis kaj ĝi iĝis sidloko de Kantono Dallas en 1866. Dum la interna milito Selma estis unu el la ĉefaj armeaj produktadocentroj de la Sudŝtatoj, tial post batalo armeo de Nordo okupis ĝin. Martin Luther King faris paroladon en 1965 en kapelo nomata Brown.

Ekonomio

En Selma la plej grava industria branĉo estas produktado de papero.

Vidindaĵoj

Preĝejo de Sankta Paŭlo

• Kapelo Brown de 1908
• preĝejo de Sankta Paŭlo
• muzeoj
• historia loĝkvartalo
• biblioteko de 1904

Fontoj

• Angla Vikipedio

Ponto en Selma