Alfons Mucha

Alfons Mucha
Alfons Mucha
Naskiĝo	24-a de julio 1860 en Ivančice, Moravio, Aŭstrio-Hungario
Morto	14-a de julio 1939 en Prago, Protektorato Bohemio kaj Moravio
Nacieco	ĉeĥo
Sukcesis kiel	pentristo desegnisto ĵurnalisto
Artista celigo	afiŝoj
Reprezentaj verkoj	Slava epopeo
Ekspoziciejoj @ Instituto de Arto de Minneapolis • Arta Instituto de Ĉikago • Muzeo de Arto “Nelson-Atkins” • Muzeo de Moderna Arto de Novjorko • Nacia Galerio de Arto • Nacia Galerio de Kanado • Stadsarchief Rotterdam • Nacia Galerio de Viktorio • Muzeo de la Civilizacio • Metropolita Muzeo de Arto • Nacia Galeriaro de Skotlando • Fin-de-Siècle Museum • Nacia Galerio ĉe Prago • Nacia Galerio de Aŭstralio • Mucha Museum • San-Franciska Muzeo de Moderna Arto • Muzeo Stedelijk • Museum of Brittany • Muzeo Carnavalet • Muzeo J. Paul Getty • Print Collection vd
Influita de @ Hans Makart • William Morris • Dante Gabriel Rossetti vd

Alfons MUCHA [ĉeĥe: alfons muĥa] (mucha signifas muŝo), en Francio nomata Alphonse MUCHA [elparolu: alfons miŝa], estis ĉeĥa pentristo, desegnisto kaj ĵurnalisto. Li naskiĝis je la 24-a de julio 1860 kaj mortis je la 14-a de julio 1939.

Li naskiĝis en Ivančice en Moravio. Sukceson li akiris en Parizo, kie li famiĝis per siaj afiŝoj por la glora aktorino Sarah Bernhardt kaj aliaj (simile kiel Toulouse-Lautrec). Li estis kreinto de nova stilo kun dikaj konturoj, plata perspektivo kaj ornamaj floraj elementoj. La stilo estas france nomata art-nouveau, sed en aliaj lingvoj oni uzas terminon secesio (= apartiĝo, separiĝo). (Fine de la 20-a jarcento liaj afiŝoj fariĝis granda modo.) Al lia pariza ateliero venadis Rostand, Rodin, Gauguin, Strindberg kaj aliaj. Mucha estis konata kaj admirata en Munkeno, Vieno, Nov-Jorko, sed malmulte en Ĉeĥio.

Mucha kreis multajn prentadojn, afiŝojn, reklamojn, kaj librajn ilustraĵojn, ankaŭ desegnaĵoj por juveloj, tapiŝoj, murpapero, kaj teatraj scenejoj kiu konatas la «Nouveau» stilo. Muchaj verkoj ofte havis belaj sanaj junaj virinoj en fluaj roboj, ofte ĉirkaŭiĝis inter grandaj florojn kiuj foje farigis haloojn malantaŭ la virinaj kapoj.

Tamen post ekesto de Ĉeĥoslovakio en 1918 li estis petita krei la unuan ĉeĥoslovakan poŝtmarkon kun motivo de Prago. En la 20-aj jaroj de la 20-a jarcento en kastelo Zbiroh (okcidenta Bohemio) A. Mucha kreis monumentan ciklon de dudek grandegaj historiaj pentraĵoj Slava epopeo, en kiu li esprimis sian patriotismon per bildigo de gravaj eventoj el la slava historio (nun en la kastelo de Moravský Krumlov.

Mucha estis framsono kaj unu el la refondintoj de ĉeĥa framasonismo post la unua mondmilito. Loĝio en Prago portas la nomon Alphons Mucha.

Lia filo Jiří Mucha (1915-1991) estis eminenta verkisto.

Afiŝo el la jaro 1909 bildiganta Maude Adams-on kiel Johana de Arko

Eksteraj ligiloj

• Ligoj al Muzeo de Alfons Mucha
• la Slava epopeo