Asakusa

Kaminarimon, kun la grandega Chochin-lanterno, estas la ekstera pordego al la fama templo Senso-ji

Pordego al la Asakusa-templo

Festivalo (matsuri) en Asakusa

Asakusa (japane: 浅草, elparolo asaksa) estas kvartalo en Taito, Tokio, Japanio. Ĝi estas fama pro la Senso-ji, budhisma templo dediĉita al Kannon. Ekzistas pluraj aliaj temploj en Asakusa, kaj okazas tie diversaj festivaloj.

Historio

Dum la plejparto de la 20-a jarcento Asakusa estis la plej grava distreja kvartalo en Tokio. La novelo de Kawabata Yasunari The Scarlet Gang of Asakusa (1930; angla traduko, 2005), bone montras tion. Nuntempe tiu rolo transiris al Shinjuku kaj aliaj kvartaloj de la urbo.

Geografio

Asakusa situas je la nord-orienta rando de centra Tokio, je la orienta fino de la Eidan Ginza Linio, apenaŭ du kilometrojn oriente de la granda uena stacidomo.

Asakusa, ĉe la bordo de la rivero Sumida havas pli tradician japanan etoson ol aliaj kvartaloj de Tokio.

Vidindaĵoj

Pro multaj religiaj konstruaĵoj en la kvartalo, matsuri, ŝintoaj festivaloj estas oftaj en Asakusa, ĉar ĉiu templo aŭ sanktejo okazigas almenaŭ unu matsuri-on jare (se ne sezone). La plej granda kaj ŝatata festivalo estas Sanja matsuri je la fino de printempo, dum kiu stratoj estas fermitaj al trafiko de frumatene ĝis nokte.

Apud la Senso-ji troviĝas distra komplekso nomita Hanayashiki. La kinejoj montras ofte klasikajn japanajn filmojn, ĉar multaj turistoj estas maljunaj japanoj.

Boatoj malsupreniras la riveron Sumida de konstruaĵoj nur kvinminutan piediron for de la templo.

Asakusa estas unu el la gejŝo-kvartaloj de Tokio.

Eksteraj ligiloj

• Wikitravel: Tokio/Asakusa (angle)
• Gvidilo pri Asakusa (angle)