Cyprian Godebski

Cyprian GODEBSKI blazono Godziemba (naskiĝis en 1765 sur Volinia Polesio, mortis la 19-an de aprilo 1809 en Raszyn (proksime al Pruszków) estis kolonelo de Pola Armeo, poeto kaj prozisto, redaktoro de la unua literatura revuo Zabawy Przyjemne i Pożyteczne (Amuzoj Plezuraj kaj Utilaj), membro de Varsovia Societo de Scienc-Amikoj, framasono; la patro de retorikisto Franciszek Ksawery, la avo de skulptisto Cyprian. Godebski komencis literatur-direkton strikte ligitan kun liberiga batalo, kreis la idealon de soldato-poeto.

Verkoj

• 1805 – Grenadier-filozof. Powieść prawdziwa wyjęta z dziennika podróży r. 1799 (Grenadisto-filozofo. Vera romano eltirita de vojaĝ-taglibro el 1799)
• 1805 – Wiersz do Legionów Polskich (Versaĵo al Polaj Legioj)
• 1821 – Dzieła wierszem i prozą. Po śmierci autora zbierane po większej części drukiem nieogłoszone (Verkoj verse kaj proze. Post morto de la aŭtoro kolektataj, grandparte prese ne anoncitaj)
• fabeloj kaj elegioj

Plie Godebski tradukis francajn militistajn regularojn por bezono de la armeo de Varsovia Duklando

Eksteraj ligiloj

• Cyprian Godebski (1765-1809)