Distriktaro Ŝvabio

Tiu ĉi artikolo temas pri Ŝvabio, administra unuo en la nuna Bavario. Aliaj signifoj de Ŝvabio estas: historia germana regiono kie loĝas ĉefe ŝvaboj, hodiaŭ dividita inter Bavario (distriktaro Ŝvabio) kaj Baden-Virtembergo (proksimume la regiono de iama Virtembergo) iama duklando Ŝvabio ene de la Sankta Romia Imperio, ekzistanta inter 911 kaj 1268.

Bazaj informoj
Provinco:	Bavario
Ĉefurbo:	Augsburg
Areo:	9.992,03 km²
Loĝantoj:	1945978 (Fine de decembro 2022)
Loĝdenso:	179 / km²
Retejo:	www.regierung.schwaben.de

Ŝvabio (germane Schwaben) estas unu el la sep distriktaroj de la germana lando Bavario.

Ĝi situas en la sud-okcidento de Bavario kaj limas al

• du aliaj bavariaj distriktaroj: Meza Frankonio kaj Supra Bavario;
• la federacia lando Baden-Virtembergo (okcidente)
• la ŝtato Aŭstrio (sude).

La distriktaro etne kaj lingve grandparte apartenas ne al la bajuvara, sed al la alemana lingvoregiono. En distrikto Aichach-Friedberg, oriente de rivero Lech, uzatas bavara dialekto. La historian lingvolimon oni bone rimarkas kalkulante sur mapo urbonomojn finiĝantajn per "-ingen" (alemana) kaj per "-ing" (bavara).

La plejsuda parto de Ŝvabio estas (la plejgranda) parto de la historia regiono Algovio.

Administra divido

Ŝvabio konsistas el dek distriktoj kaj kvar eksterdistriktaj urboj.

Eksterdistriktaj urboj

1. Augsburg
2. Kaufbeuren
3. Kempten
4. Memmingen

distriktoj

1. distrikto Aichach-Friedberg
2. distrikto Augsburg
3. distrikto Dillingen
4. distrikto Donau-Ries
5. distrikto Günzburg
6. distrikto Lindau
7. distrikto Neu-Ulm
8. distrikto Oberallgäu (Supra Algovio)
9. distrikto Ostallgäu (Orienta Algovio)
10. distrikto Unterallgäu (Malsupra Algovio)

Riveroj

• Argen
• Danubo
• Günz
• Iller
• Lech
• Mindel
• Wertach
• Wörnitz

Wertach en Augsburg kunfluas kun Lech; Wörnitz estas norda, la aliaj estas sudaj flankriveroj de Danubo.