Sjælland

Tiu ĉi artikolo temas pri la insulo Zelando (Sjælland) de Danio. Samnoma provinco Zelando ekzistas en Nederlando, kaj malgranda teritorio nomata Selando krome en Britio.

Sjælland [sjelen/sjelan], en Esperanto Zelando (laŭvorte "marlando"), estas la plej granda insulo de Danio, havanta pli ol du milionojn da loĝantoj, el kiuj la plejmulto loĝas en kaj ĉirkaŭ la ĉefurbo Kopenhago. Ĝi troviĝas inter Fyn kaj Svedio (Skanio), kaj estas konektata kun Fyn per la ponto Storebæltsbroen, kaj al Skanio en Svedio per la Sundoponto.

La insulo nomis laŭ la grandaj fokaroj, kiuj troviĝis sur la marbordoj de Sjælland: Foka Insulo (Sæl-land). La du vortoj foko (sæl) kaj animo (sjæl) tre similas en la dana lingvo, kaj tio devenas de la antaŭa kredo, ke foko estas animo de mortinta maristo. Hodiaŭ popola nomo de Sjælland estas "Diabla Insulo" (Djævleøen).

Ekde la 1-a de januaro 2007, la nordoriento de la insulo konsistigas la plej grandan parton de la nova administra regiono Hovedstaden (regiono ĉefurba), kaj la resto de la insulo la plej grandan parton de la samnoma administra regiono Sjælland, kiu krome ankoraŭ kovras tri pli malgrandajn sudajn insulojn.

Urboj

• Frederiksberg
• Elsinoro
• Holbæk
• Kopenhago
• Køge
• Næstved
• Roskilde
• Slagelse
• Slangerup
• Sorø
• Vordingborg
• Vallensbæk

Vidu ankaŭ

• Selando
• Zelando