Kozelsk

Sieĝo de Kozelsk en 1239 far Batua Ĥano

Kozelsk (ruse Козельск) estas urbo en Rusio. Ĝi situas ĉe rivero Ĵizdra (Жиздра), kiu fluas en riveron Oka (Ока), 72 kilometrojn sud-okcidente de Kaluga.

En la urbo estas fervoja stacio.

En jaro 1959 la urbo havis 12,1 mil loĝantojn, en 2002 kalkulis 19,9 mil.

Historio

La unuaj mencioj pri la loko devenas de 1146. Kozelsk estas tiam menciita kiel parto de Princlando Ĉernihova. La urbo famiĝis dum invado de mongoloj sub gvido de Batua ĥano printempe 1238. Loĝantoj, aŭdinte pri pli frua amasbuĉado fare de mongola armeo, defendis sin malespere dum 7 semajnoj, mortigante ĉirkaŭ 4000 de mongolaj soldatoj. Post konkero mongoloj preskaŭ tute detruis la urbon kaj ekstermis ĉiun defendanton kun ilia teoria gvidanto sepaĝa filo Vasil de la princo Titus. En la jaroj 1446-94 Kozelsk, post disfalo de Ora Hordo, kiel unu el superokaaj princlandoj, fariĝis mallongtempe parto de Granda Duklando de Litovio. Ekde 1494 estis konkerita de soldatoj de Granda Duklando de Moskvo kaj fariĝis parto de Rusio.

La plej bone konata konstruaĵo de Kozelsk estas 18-jarcenta monaĥejo, Optina Ermitejo. Tie dum la jaroj 1939-40 funkciis soveta internigejo por poloj. Oficiroj militservaj kaj rezervaj kune kun substandardistoj de Pola Armeo post anekso de orientaj partoj de Pollando fare de Sovetunio la 17-an de septembro 1939 fariĝis militkaptitoj. Inter aprilo kaj majo 1940 NKVD transportis ĉirkaŭ 4500 al arbaro apud Katin, kie dispafis ĉiun per kuglo malfronte de la kapo dum tiel nomata masakro de Katin.

Kaluga provinco

 Rusio: Urbo de armea gloro

Arĥangelsko | Belgorodo | Velikije Luki | Velikij Novgorod | Vladikavkaz | Voroneĵ | Vjazma | Dmitrov | Jelec | Jelnja | Kozelsk | Kronŝtadt | Kursk | Luga | Malgobek | Naro-Fominsk | Orjol | Polarnij | Pskovo | Rĵev | Rostov-na-Donu | Tuapse