Vikipedio:Ŝlosendaj paĝoj

Paĝo povas esti ŝlosita pro diversaj kaŭzoj. Informo poste haveblas en la protokolo. Ŝlosi kaj malŝlosi paĝon povas nur administranto. Paĝo estos ŝlosita se la vikipediistoj konsentas pri ĝia ŝlosado ĉi tie.

Ĉi tie oni povas aldoni paĝon (mal)ŝlosendaj pro iu kialo. Bonvolu aldoni vian peton kun la kialo korekte.

Peto pri malŝloso

Se vi trovas ŝlositan paĝon kaj pensas, ke la ŝloso ne plu necesas, vi povas peti malŝloson ĉi tie.

Gladbeck

Mi petas malŝloson de Gladbeck. Ŝajnas, ke tiu artikolo estis ŝlosita en 2004 pro unufoja spamo. -- Robert Weemeyer 17:50, 1. Nov 2006 (UTC)

Farite. Marcos 00:13, 2. Nov 2006 (UTC)

101 Dalmatians II: Patch's London Adventure

Vidu Diskuto:101 Dalmatians II: Patch's London Adventure. Dankon.--Salatonbv (diskuto) 04:34, 23 Aŭg. 2013 (UTC)

 Farite Mi eĉ ne bone komprenas, kial ĝi estis ŝlosita, do mi ne vidas kialon ne malŝlosi. darkweasel94 04:42, 23 Aŭg. 2013 (UTC)

Ŝablono:Mallongigo

Mi volas prove ŝanĝi aŭ peti administranton plibonigi la dezajnon de la rezulto kiun la ŝablono kreas. --Salatonbv (diskuto) 06:30, 17 Sep. 2013 (UTC)

Petoj pri ŝloso

Se iu paĝo estas daŭre vandalita, aŭ se tie okazas redakta milito, vi povas peti ĝian ŝloson ĉi tie. Indiku ĉu ĝi estu tute ŝlosita (nur redaktebla de administrantoj) aŭ ĉu ĝi estu duone ŝlosita (redaktebla de ĉiuj ensalutintoj).

Pejno Simono

Mi proponas ŝlosi la artikolon Pejno Simono.

1. Kialo: Estas redaktomilito pri ĝi. La redaktomilito jam ĝenas ankaŭ legantojn en Diskutejo kaj rabas ilian tempon.
2. Kialo: Ĝi estis plurfoje ([1], post averto [2] kaj post lasta averto [3]) misuzita fare de Uzanto:Pejno Simono por persone ataki alian Vikipediiston (nomigante lin vandalo en la artikola nomspaco (diskut-nomspace tio ne estus tiom granda problemo)).
3. Kialo: Ĝia enciklopedia nivelo estis plurfoje malplialtigita fare de Uzanto:Pejno Simono - temas pri forigado de referencoj ([4]), vikiligiloj, intervikiligilo kaj averto-ŝablonoj. ([5], [6], ) Tia ĉi kondutado estis plurfoje prezentita kiel malfarado de "arbitraj ŝanĝoj" ([7], [8]) (kune kun precipe stilaj ŝanĝoj kaj forigoj de partoj kiuj ne influis la artikolon). Post averto pri referencoj li aldonis "plene stultajn" referencojn nur por tio, ke la artikolo "ne listiĝu kiel senreferenca". ([9]) La uzanto persiste rifuzadis diskuti pri la mankoj de la artikolo kaj solvado de ili en la artikol-diskuto (escepte unu fojon - sekve li plibonigis unu mankon (laŭdinda!)). Anstataŭe li priklaĉadis la duan uzanton en Diskutejo (prezentante sian opinion (plurfoje malpravan) kiel fakton (pruvoj sube)) kaj nur foje provizis enciklopedi-utilajn informojn, sed sen postulataj fontoj. ([10]) Li publike deklaris ke li dum longa tempo redaktadis Vikipedion sen konoj de (ĉ nur iuj?) ĝiaj reguloj. ([11]) Resume: La ŝanco ke la uzanto plialtigos la enciklopedian nivelon de la artikolo ne estas alta.

(Menciindas ke la uzanto uzis la artikolon ankaŭ kiel sian uzanto-paĝon. ([eo.wikipedia.org/w/index.php?title=Uzanto:Pejno_Simono&action=edit]) Li en la artikolon enmetis ŝablonojn por uzato-paĝoj kiuj enkategoriigis lian uzanto-paĝon en kategoriojn por uzantoj. Ankaŭ estis en la artikolo komencoj de artikoloj verkitaj parte de li. ([12]) Tiujn ĉi mankojn mem Pejno Simono plibonigis (tamen ne forigis) post averto (laŭdinda!). Problemo estas ke ankaŭ nuntempe (20:27, 3 Jul. 2012 (UTC)) se oni ekz. aldonas enkategoriigan ŝablonon en la artikolon tiu ĉi ŝablono enkategorigas samtempe la uzantopaĝon.)

Mi proponas ŝlosi plej eble fidindan version - do plej eble ĉiuj asertoj estu klare pruvigitaj per referencoj (vere apogantaj la aserton), tiuj kiuj ne estas referencitaj kaj samtempe temas pri grava/menciinda kaj pruvigebla aserto estu markitaj kiel senfontaj. Eble la ŝlos-versio enhavu ankaŭ la ŝablonon Membiografio.

Atentigo: Ĉar Uzanto:Pejno Simono kutimas prezenti sian opinion (ofte malpravan) kiel fakton oni prefere postulu pruvojn de liaj asertoj. Ekzemploj de liaj malpravaj asertoj: la ŝablonon ne enmetis CubeF, CubeF neniam estis administranto de Vikipedio.

(tre malfacilis kolekti la pruvojn - la ĉefa akuzato preskaŭ ne uzadas la butonon "Antaŭrigardu" kaj redakto-resumon...)

--CubeF (diskuto) 20:27, 3 Jul. 2012 (UTC)

^↑  Tie ĉi ni havas la problemon, ke ulo, kiu fakte ekde tri semajnoj vandalas sur la mi-rilata paĝo, plurfoje ŝangis mian nomon, faris amason da arbitraj ŝanĝetoj, kaj, kulmine senĉese postulas pli da referencoj, kvankam estas jam 47, klopodas iel tamen venki per peto pri ŝlosado, supozeble en iu stato, kiu plaĉas ĝuste al li. Ĉiu, kiu nur one sekvis la diskuton en la ĉefa diskutejo, neeviteble ekkonos la gradon de obsesio fare de CubeF pri tiu simpla paĝo.

Mi eble atentigu, ke la Kategorio:Membiografiaj artikoloj same pri la laŭa ŝablono estas ambaŭ inventaĵoj fare de CubeF nur por tiu ĉi mi-rilata paĝo. Fakte mi intertempe eĉ mem kategorias ĝin tiele. CubeF draŝas tiun ĉi paĝon jam ekde tri semajnoj kaj temas pri tre evidenta kazo de pura vandalismo.

Nur por montri la mensan staton de CubeF, mi atentigas, ke li ĵus metis la ŝablonon Ŝablono:ADLS kape de la ĉefa diskutejo, tiel ke tiu enkategoriiĝis en Kategorio:Proponitaj artikoloj por ADLS. Tiel statis, ĝis mi modifis la ŝablonon ADLS, tiel ke tio ne plu okazu. Nun ne plu estas problemo, simple pro tio, ke mi, vidinte tion, solvis ĝin ene de la ŝablono. Do, ke tiu uzulo nun iel ajn plendas pri iuj misenkategoriigoj estas vere nekredeble!

Jen la pruvo: http://eo.wikipedia.org/w/index.php?title=Vikipedio:Diskutejo&oldid=4372080

La solvo de la problemo ne estas la ŝlosado de la artikolo, la solvo estas forbari la uzulon CubeF de redaktado. Kaj tion plej bone tuj. -- PEJNO Simono ^Diskuto  21:25, 3 Jul. 2012 (UTC)

Problemo pri ŝlosita paĝo

Aborto

La nuna kunlaboraĵo, aborto, estas ŝlosita kaj ĉiuj alilingvaj ligiloj iras al informpaĝoj pri ŝlositaj paĝoj anstataŭ iri al la koncernaj aborto-paĝoj. Ĉu administranto povos korekti la problemon? Antaŭdankeme, Bea 08:12, 12. Jun 2007 (UTC)

La problemon faris la ŝablono:Duonŝlosita. Nun la problemo estas korektita. --Petr Tomasovsky 10:01, 12. Jun 2007 (UTC)