Eisenach

Malnova urbocentro de Eisenach

Eisenach [AJzenaĥ] estas eksterdistrikta urbo en la federacia lando Turingio de Germanio. Ĝi situas borde de la rivero Werra.

Faktoj

• Situo: 50°59' NO, 10°19' OR
• Loĝantaro: ĉ. 44.400 (en 2000)
• Horzono: GMT+1h (+2h de aprilo ĝis oktobro)

Industrio

En Eisenach oni produktas maŝinojn, tekstilaĵojn, elektronikaĵojn.

Vidindaĵoj kaj historio

La plej konata vidindaĵo estas memkompreneble la kastelo Wartburg. Krome ne neglektu dum vizito la romanikstila Preĝejo Sankta Nikolao, la malfrugotika Preĝejo Sankta Georgo (kie estas statuo de Johann Sebastian Bach) kaj la kastelo Schloss Klemda de 1260.

Viziteblaj estas ankaŭ la Lutherhaus - kie pasigis Luther parton de sia junaĝo -, la Bach-domo, la Muzeo Reuter-Wagner, la Muzeo Dominikana kirko kaj la Muzeo Urba kastelo. En la urbocentro troviĝas belaj aroj da mezepokaj konstruaĵoj. Teknikemuloj vizitu la aŭtomuzeon Aŭtomobila mondo Eisenach.

Historio kaj socialdemokratia lulilo

Turingiaj landografoj fondis la urbon en la 12-a jarcento. Estinte ĝis 1498 rezidejo de negrava grafolando, Eisenach inter 1596 kaj 1741 plurfoje por pli longa daŭro funkciis kiel rezidloko de la dinastio Wettin. Poste la urbo ekregatis de la domo de Saksio-Weimar.

En 1869 August Bebel kaj Wilhelm Liebknecht fondis tie ĉi la partion Sozialdemokratische Arbeiterpartei (SDAP).

La partoj de la urbo

Mapo de la urbopartoj

Zu Eisenach gehören die Ortsteile

• Berteroda
• Hötzelsroda
• Madelungen
• Neuenhof-Hörschel
• Neukirchen
• Stedtfeld
• Stockhausen
• Stregda
• Wartha-Göringen

Tiuj komunumopartoj posedas proprajn lokokonstituciojn. Neuenhof kaj Hörschel, kaj Wartha kaj Göringen estas kunigitaj al po unu loko.

Partneraj urboj

• Marburg, Germanio ekde 1988
• Sedan, Francio ekde 1991
• Waverly, Usono ekde 1992
• Skanderborg, Danio ekde 1993
• Mahiljou, Belarusio ekde 1996

Gefiloj de la urbo

• Ernst Abbe
• Johann Sebastian Bach

Vidu ankaŭ

• Muzeo Dominikana kirko
• Muzeo Urba kastelo
• Muzeo Reuter-Wagner
• Thüringer Museum Eisenach