Hegyvidék

Hegyvidék [hedjvidEk] estas la 12-a distrikto de Budapeŝto. La loknomo signifas: monto-regiono.

Blazono de la 12-a distrikto

Loko de la 12-a distrikto

Elvidejo sur montopinto de Jánoshegy, tio troviĝas ankaŭ en la blazono

Kulturdomo en Hegyvidék

Arta universitato en Hegyvidék

Dentrada fervojo en Hegyvidék

Bazaj informoj

• poŝtkodoj: 1121-1126
• areo: 27 km²
• loĝantaro: 56 200 en 2008
• koordinatoj: 47° 29′ N 19° 01′ O (mapo)

Situo

Distrikto Hegyvidék situas en la okcidenta parto de la ĉefurbo sur montoj, tial ĝi estas pulmo de Budapeŝto. La plej gravaj montoj estas Monto János (=Johano) 528 m-ojn alta, kio estas la plej alta punkto de Budapeŝto, Széchenyi-hegy kaj Svábhegy (=monto de ŝvaboj).

Historio

Matiaso la 1-a profitis la regionon kiel ĉasejo. Ĝis la 18-a jarcento por pli bone defendi fortikaĵon de Buda oni malpermesis konstrui domojn. Precipe vitejoj estis tie. Nur en 1772 oni komencis aĉeti parcelojn. En 1873 Budapeŝto formiĝis kaj Hegyvidék apartenis al la 1-a distrikto ĝis 1930. Dum la frua socialismo etfervojo kaj televida turo konstruiĝis sur Széchenyi-monto. Nuntempe la montoj kaj valoj estas ekskursejoj, estas grave gardi la arbaron.

En 1989 ĉirkaŭaĵo de Preĝejo Sankta Familio (Hegyvidék) travivis mondan historion. orientgermanoj ariĝis. Ili tie loĝis helpe de Hungara Malta Helpservo. Fine Gyula Horn deklaris, ke la orientgermanoj rajtas forlasi Hungarion al limo de Aŭstrio. Tiu ago estis granda puŝo por la germana unuiĝo.

Trafiko

• aŭtobusoj, tramoj, etfervojo, dentorela fervojo (de 1874), aertelfero (de 1970)

Vidindaĵoj

• elvida turo
• kongresa centro
• tombejo
• ekskursejoj
• Preĝejo de Koro de Jesuo (Hegyvidék)
• Preĝejo de Ĉiuj Sanktuloj (Hegyvidék)
• Preĝejo Sankta Familio (Hegyvidék)
• Kirko Sankta Ladislao (Hegyvidék)

Preĝejo Sankta Familio, kiu faris historion en 1989