Ajrano

freŝa ajrano kun ŝaŭmkrono

Ajrano estas refreŝiga trinkaĵo el Kaŭkazo kaj Anatolio. Ĝi estas farata el jogurto, akvo kaj tabla salo. Industrie farita ajrano enhavas krom akvo eventuale ankaŭ laktopermeato. Por fari ajranon oni kirlas jogurton kaj akvon en proporcio 2:1 ŝaŭme kaj aldonas salon (maksimume 2 %). Oni prenu grasan jogurton el ŝafinlakto aŭ bovinlakto kun acidigaj kulturoj (Streptococcus thermophilus kaj Lactobacillus bulgaricus). Kelktempe la trinkaĵo estas aromatigata kun citronmeliso, nana-mento aŭ baziliko. Ankaŭ ekzistas ajrano kun fruktsuka gusto. En la kamparaj regionoj de Turkio laŭtradicie oni bonvenigas gaston per glaso da ajrano.