La Fantomo de la Operejo (romano)

Kovrilo de la franca originalo (represo el 1921)

La Fantomo de la Operejo estas la titolo (en la originala franca, Le Fantôme de l'Opéra) de romano verkita de la franca verkisto Gaston Leroux. Ĝi unue aperis kajere en la periodaĵo Le Gaulois, inter la 23-a de septembro 1909 kaj la 8-a de januaro 1910. Ĝi eldoniĝis kiel memstara volumo en marto 1910 ĉe Pierre Lafitte. La romano estas parte inspirita de historiaj eventoj ĉe la Pariza Operejo dum la dek-naŭa jarcento kaj de apokrifa rakonto pri la uziĝo de la skeleto de ekslernanto baleda en la scenigado de Der Freischütz de Carl Maria von Weber en 1841. Hodiaŭ, la romanon superombras la sukceso de ĝiaj diversaj scenejaj kaj kinofilmaj adaptiĝoj. Plej notindas inter tiu la filmo (1925) kun Lon Chaney, kaj la muzikalo (1986) de Andrew Lloyd Webber.

Fontoj

Bazita sur informoj en la angla Vikipedio.

Eksteraj ligiloj

• Esperanta traduko de MIKELO (Michel Dereyger)
• PDF-versio de la originalo