János Hunyadi

Johano Hunyadi
Ioan de Hunedoara

Johano HUNYADI, hungare Hunyadi János [hunjadi ja:noŝ], rumane Ioan de Hunedoara (naskiĝinta ĉ. en 1405 kaj mortinta la 11-an de aŭgusto 1456, Zemun) estis rumandevena hungara magnato, militestro, gubernatoro de Hungario inter 1446 kaj 1456.

Biografio

Johano Hunyadi estis filo de Vajko (Voicu) kaj patro de Matiaso la 1-a, reĝo de Hungario. Sigismondo la 1-a donacis al li kaj al liaj fratoj la urbon Hunedoara (hungare Hunyad, de tie lia familia nomo). Johano Hunyadi komence estis soldato, kie li studis taktikon de la turkoj. Ĉirkaŭ en 1430 li edziĝis. Baldaŭe li vivis en Italio, kie li studis la italan armeon. En 1434 li bataladis kontraŭ husanoj en Bohemio. En 1439 li ricevis la rangon banuso, poste li defendis la hungaran limon kontraŭ la turkoj. La tagmeza sonorigado en kristanaj landoj laŭ la ordono de papo Kaliksto la 3-a estas de tiam honore al la venko de Hunyadi super la turkoj la 22-an de julio 1456 ĉe Belgrado.

Memorigiloj

• stratoj, placoj en diversaj urboj
• skulptaĵoj en Budapeŝto kaj Pécs
• premio "Hunyadi János"

Fonto

• Magyar Életrajzi Lexikon
• Xenopol, Alexandru D., Histoire des Roumains, i, Paris, 1896
• Milton G. Lehrer and David Martin,Transylvania: History and Reality, Bartleby Press; 1986
• Ion Grumeza, Dacia: Land of Transylvania, Cornerstone of Ancient Eastern Europe, Hamilton Books, 2009
• Constantin C Giurescu,Transylvania in the history of Romania: An historical outline,Garnstone P; 1969
• Stefan Pascu, A History of Transylvania, Wayne State Univ Pr, 1983