Haramo

Haramo (arabe حرام [haram]) estas en islamo nomo de agoj, malpermesitaj per ŝario. La malo de haramo estas halalo. Ekzemple, porkaĵo estas harama, dum ŝafaĵo (de la speciale mortigita ŝafo) estas halala.

Etimologio kaj uzo

Foje en okcidenta kulturo haramon oni konsideras analoga al peko de la kristana kulturo, sed la analogio ne estas tute ĝusta.

Ekzemploj de haramo

La plej evidentaj ekzemploj de haramo por muzulmanoj estas agoj, kiujn malpermesas Korano. Ekzemple:

• mortigo de la propraj infanoj pro la timo de malriĉiĝo (Korano 17:31),
• ŝtelado,
• kriado al la gepatroj (Korano 17:23),
• drinkado kaj aliaj.

Gastronomiaj malpermesoj

Manĝi produktojn, kiujn malpermesas Korano, estas haramo. Plej unue temas pri porkaĵo. Laŭ multaj (sed ne ĉiuj) islamaj teologoj ankaŭ aliaj produktoj de prilaboro de porkoj estas haramo, kiel gelateno.

Eksteraj ligiloj

• Detala listo de haramoj laŭ ŝaria leĝo (ruse)