Hamburgo: Malsamoj inter versioj

	Hamburgo
	germane: Hamburg
	Urboŝtato kaj federacia lando
	Vido al urbo Hamburgo
flago	blazono
	Oficiala nomo: Hamburg
Lando	Germanio
Federacia lando	Hamburgo
Regiono	Metropola regiono Hamburgo
Distrikto	7
Historiaj regionoj	5
Eŭropaj ŝoseoj	E 22, E 26, E 45
- Aŭtovojoj	A 1, A 7, A 23, A 24, A 25, A 252, A 253, A 255
Najbaras kun	Malsupra Saksio Germanio, Ŝlesvigo-Holstinio Germanio
Speco de urbo	Hansa urbo, Libera regna urbo
Riveroj	Elbo, Alster, Bille
Situo	Hamburgo
- alteco	6 m s. m.
- koordinatoj	53° 33′ 00″ N 10° 00′ 00″ O / 53.55000 °N, 10.00000 °O (mapo)
Plej alta punkto	116.2
- situo	Hasselbrack
- koordinatoj	53° 25′ 54″ N 9° 51′ 54″ O / 53.43167 °N, 9.86500 °O (mapo)
Areo	775,264 km² (77 526,4 ha)
Loĝantaro	1 746 342 (fine de decembro 2013)
Denseco	2 252,58 loĝ./km²
Unua skriba mencio	7-a jarcento
Urbestro	Peter Tschentscher (SPD) ekde la 28-a de marto 2018
Horzono	MET (UTC+1)
- somera tempo	MEST (UTC+2)
Poŝtkodo	20001 – 21149, 22001 – 22769
Tel. antaŭkodo	+49 (0)40
Landokodo	DE-HH
Aŭtokodoj	HH
Asocio	Hansa ligo
Landa Esperanto-asocio	Hamburga Esperanto-Societo
	Situo de la urbo enkadre de Germanio Situo de la urbo enkadre de Germanio
	Unuopaj urbopartoj de Hamburgo Unuopaj urbopartoj de Hamburgo
	Vikimedia Komunejo: Hamburg
	Retpaĝo: www.hamburg.de

Browse history interactively

[kontrolita revizio]

[nekontrolita versio]

← Iru al antaŭa ŝanĝo Iru al sekvanta ŝanĝo →

Enhavo forigita Enhavo aldonita

VidaVikiteksto

Enteksta

Kiel registrite je 15:19, 30 mar. 2018

Koordinatoj: 53° 33′ 00″ N 10° 00′ 00″ O / 53.55000 °N, 10.00000 °O (mapo)

La libera kaj hansa urbo Hamburgo kiel urbo-ŝtato estas federacia lando de Federacia Respubliko Germanio. Ĝi estas la dua plej granda urbo de Germanio kaj la sesa plej granda urbo de Eŭropa Unio. La urbo estas la koro de la samnoma metropola regiono Hamburgo. En Hamburgo ekzistas ankaŭ pli ol 90 konsulejoj.

Geografio

Hamburg situas ĉe la riveroj Elbe kaj Alster, ĉ. 110 km for de la enfluo de la Elbe en la Nordan Maron. La surfaco estas de 755 kvadratkilometroj kaj en la 2004-a jaro loĝis 1,73 milionoj en la urbo.

La haveno hamburga estas - post Roterdamo - la dua plej granda marhaveno de Eŭropo kie oni rajtas deponi la varojn sendoganpage. Per tio la urbo iĝis grava komerca, industria kaj kultura centro. Geologie la urbo troviĝas en la praakvuja valo de la malsupra Elbe-rivero, ĉe la Gee-riverbordo kaj la finaj morenoj de la Nigraj Montoj. La marĉolando en la sudoriento trafluatas de kelkaj malnovaj riverbranĉoj de Elbe (Vierlande). Multaj etaj insuloj inter la norda kaj la suda Elbe-rivero parte transformitis kaj portas hodiaŭ la plej grandan parton de la industriaj kaj havenaj instalaĵoj.

Silueto

Karakterizas la urbon hodiaŭ plej konstruaĵoj el la 19-a kaj la 20-a jarcento. Krome post la Dua mondmilito kelkaj historiaj konstruaĵoj reproduktitis. En kelkaj urbokvaratloj (ekz. Pöseldorf), ĉe la Elb-ŝoseo kaj en noblaj periferieroj (ekz. Blankenese) troviĝas fortimpresaj vilaoj. La ĉirkaŭ kelkaj kanaloj (Fleete) kaj ĉe la interna parto de Alster-rivero situanta urbokerno de Hamburgo dividas sin en la Malnovan kaj en la Novan urbon. Gastigas la urbokerno komercajn kvartalojn trafluitajn de pluraj kanaloj. Memkompreneble ekzistas pro tio ankaŭ multaj pontoj: en Hamburg eĉ ekzistas pli da pontoj ol en Amsterdamo kaj Venecio adicie! La barita Alster-rivero en la koro de la urbo konsistas el pli malgranda interna parto (Binnenalster) kaj pli granda ekstera (Außenalster). Ĉirkaŭ la centro estas multaj novaj kvartaloj kaj pluraj antaŭurboj ĉe la rando.

Vidindaĵoj

Tipaj hamburgaĵoj

La hamburga haveno bone viziteblas per rondveturadoj perŝipe startantaj ĉe la en 1909 konstruitaj albordiĝaj pontetoj. Vizitindas i.a. ankaŭ la historia Deponeja urbo (Speicherstadt), komplekso da iamaj stokejoj ĉe la insulo Brook kiu faritis inter 1884-1910. Reeperbahn en la urbokvartalo St. Pauli nombriĝas inter la plej konataj amuzstratoj de la mondo. Aliaj interesaj vidindaĵoj estas la Köhlbrand-ponto (longa penda ponto de 1975 trans riverbranĉo de Elbe), la menciita Binnenalster kun la ekskluziva butikumavenuo Jungfernstieg kaj Außenalster: ambaŭ partoj de la rivero Alster nuntempe de ŝipoj en la servo de publika transporto unuiĝas. Same interesaj estas la historiaj fundamentaj muroj de la urbo, la Hopen-bazaro kaj la Hagenbeck-zooparko, privata institucio kiu per siatempe tute nova koncepto (kreado de naturaj medioj, fosoj anstataŭ kradoj ktp.) iĝis modelo por multaj bestoĝardenoj en la mondo.

Konstruaĵoj kaj kirkoj

Jenas la plej gravaj historiaj konstruaĵoj (elekto):

Urbodomo: novrenesanca stilo, finfarita en 1897
Borso (1841)
Arthalo (1868)
Ĉefpreĝejo Sankta Petro (komencita en la 12-a jarcento)
Kirko Sankta Jakobo
Kirko Sankta Katerino
Kirko Sankta Mikaelo (malfrua 18-a jc, kies turo estas la simbolo de la urbo)
Muzikhalo (1904-08)
Albordiĝpontoj 1909)
Sankt-Pauli-Elbtunelo (1911; ne konfuzu kun la nova tunelo de 1975)
Chile-domo (1923)
Shell-domo (1931)
Amerika Domo (1957)
Jenisch-domo (1829-32)
Barlachdomo (inaŭgurita en 1962)
Botanika ĝardeno Planten und Blomen

Kulture

Jenas la kulturaj institucio (elekto):

Artohalo (inaŭgurita en 1869, pluraj alikonstruoj kaj alkonstruoj 1914-1919, 1956, 1991-1997) kun ampleksa kolekto de bildoj el la 19-a kaj la 20-a jc
Museum für Kunst und Gewerbe (fondita en 1877)
Museum für Völkerkunde (1908-12) kun multaj elmontritaĵoj el la Suda Maro, Afriko kaj Siberio
Museum für Hamburgische Geschichte/Hamburgmuseum (1913)
Museum für Arbeit (malfermita en 1997), kiu en 2005 ekenhavis gapdeponejon ĉe la hamburga haveno
Ŝtata operejo (malfermita en 1827, alikonsruoj en 1953-55)
Thalia-teatrejo
Deutsche Schauspielhaus
Ohnsorg-teatrejo (por teatraĵoj en la platdiĉa lingvo)

Klerigejoj

La urbo havas grandan nombron da klerigejoj, por ekzemplo:

Hamburga universitato de 1909
Teknologia Universitato Hamburgo (1979)
Observatorio de Hamburgo
Hochschule für Musik und Theater
Hochschule für bildende Künste und Bundeswehrhochschule (funkcio ekde oktobra 1973) *Deutsche Elektronen Synchrotron DESY (1959)
Bernhard-Nocht-Institut für Tropenmedizin (1900)
Deutsches Überseeinstitut (1964)
Bundesamt für Seeschifffahrt und Hydrographie (1990)
HWWA-Institut für Wirtschaftsforschung

Ekonomio

La hamburga haveno estas la plej grava en tuta Germanio. Ĝi havas konekton al la fervojo, al unu el la plej gravaj trafiknodoj de norda Eŭropo; alia konekto ekzistas al la grandaj kanaloj de Centra Eŭropo. Famas la haveno ankaŭ pro la kontenera transporto. La internacian flughavenon pojare uzas ĉ. 10 milionoj da pasaĝeroj.

En la urbo estas grandaj ŝipfarejoj kaj ŝipriparejoj kies graveco tamen malkreskas kompare al la estontecaj industrioj kiel civila aviado, elektrotekniko kaj maŝinkonstruado. La firmao Blohm + Voss (vortumo ĝis la jaro 1965 Blohm & Voss) estas tradicia ŝipfarejo en Hamburgo, kies firmaa tereno situas ĉe la suda bordo de la rivero Elbo, tuj antaŭ enfluo de la rivero en la fjordon kiu konektas ĝin al la Norda Maro. La firmao fondiĝis en 1877 kaj konsidereblas la lasta el historie pluraj grandaj ŝipfarejoj en la hamburga haveno. Aliaj gravaj sektoroj estas la prilaboro de minerala oleo, la kemia industrio kaj la produktado de nutraĵoj.

Hamburgo estas samtempe unu el la plej gravaj amaskomunikilaj urboj de Germanujo kaj ŝatata foirloko. La Deutsche Presse-Agentur (dpa) - germane, en Esperanto "Germana Gazetara Agentejo" - estas la plej granda novaĵagentejo de la Federacia Respubliko Germanio. La sidejo estas en Hamburgo, kaj la centra redakcio en Berlino. Sidejon havas tie ĉi multaj import- kaj eksportfirmaoj, bankoj, asekurkompanioj. Ankaŭ la fremdultrafiko notindas: en 2004 ne tute 6 milionoj da eksteruloj tranoktis en la hansa urbo, do Hamburgo tenis post Berlino kaj Munkeno la trian rangon.

Historio

Verŝajne Karolo la Granda ordonis fondi ĉ. la jaro 808 la lokon Hammaburg por sekurigi la limojn nordajn de la Regno de la frankoj. Postmorte lia tria filo Ludoviko deklaris Hammaburgon sidejo por la arkiepiskopo Ansgar. Ricevis la havenurbo kirkon kaj iĝis elirpunkto de kristanigo de multaj nord- kaj orienteŭropanoj. Vikingoj el Danio ofte surprize atakis la urbon. Ĉ. 845 Vikingoj detruis tiom multe, ke oni decidis du jarojn poste transloki la arkiepiskopujan sidejon al Bremeno (hodiaŭ Hamburgo estas denove katolika arkiepiskopujo). Malgraŭ multaj konkeroj kaj detruoj la urbo ĉiam denove rekonstruitis kaj fariĝis finfine gravega komerc- kaj staploloko.

La urbajn rajtojn ricevis la hamburganoj danke al subteno dum la 3-a Krucmilito. Dogan-, komerc- kaj ŝipveturprivilegioj helpis la ekfloron ekonomian de la urbo. El defendalianco kun Lübeck (ĉ. 1241) kaj Bremeno (ĉ. 1249) rezultiĝis la fondo de Hanso. Hamburgo iĝis unu el la plej potencaj kaj riĉaj urboj de la menciita defenda kaj komerca ligo.

En 1510 la titolo de Libera Hansurbo oficiale konfirmitis. En 1529 venis la Reformacio Hamburgon. Ne malmultaj rifuĝintoj el sudaj ŝtatoj trovis ekzilon en Hamburgo. Dum la Tridekjara milito la graveco de la urbo treege malkreskis. Nur post la komercaj kontraktoj faritaj kun Usono (1783) revenis prospero antaŭ la sekvinta katastrofoj sub franca okupado (1806-11). En 1765 fonditis en Hamburgo la Patriota Societo de 1765.

En 1815 la urbo aliĝis al Deutscher Bund. La incendio de 1842 kiel ankaŭ ĥolera epidemio (1892) postulis multajn viktimojn. En 1921 Hamburg ricevis parlamentan-demokratian konstitucion. La urboj Altona, Harburg kaj Wandsbek enkorpigitis en 1938. Kiel bazo de submaraj batalŝipoj la urbo estis plurfoje celo de bombardoj dummilite. Poste ĉio rekonstruitis. En la nokto de la 16.-17.2.1962 furiozis terura ŝtorma tajdo en la urbo. Hodiaŭ Hamburgo taksatas moderna, eleganta kaj flora metropolo kvankam antaŭ la Turniĝo grandaj partoj de la eksa antaŭregiono troviĝis malantaŭ la Fera kurteno.

Unuaj urbestroj de post la Dua mondmilito

Max Brauer, (SPD): 22. 11.1946 – 2. 12. 1953
Kurt Sieveking, (CDU): 2. 12. 1953 – 27. 11. 1957
Max Brauer, (SPD): 4. 12. 1957 – 31. 12. 1960
Paul Nevermann, (SPD): 1. 1. 1961 – 9. 6. 1965
Herbert Weichmann, (SPD): 9. 6. 1965 – 9. 6. 1971
Peter Schulz, (SPD): 9. 6. 1971 – 4. 11. 1974
Hans-Ulrich Klose, (SPD): 12. 11. 1974 – 25. 5. 1981
Klaus von Dohnanyi, (SPD): 24. 6. 1981 – 8. 6. 1988
Henning Voscherau, (SPD): 8. 6. 1988 – 8. 10. 1997
Ortwin Runde, (SPD): 12. 11. 1997 – 31. 10. 2001
Ole von Beust, (CDU): 31. 10. 2001 – 25. 8. 2010
Christoph Ahlhaus, (CDU): 25. 8. 2010 - 7. 3. 2011
Olaf Scholz, (SPD): 7. 3. 2011 – 13. 3. 2018
Peter Tschentscher, (SPD), ekda la 28. 3. 2018

Distriktoj de Hamburgo

Hamburg-Mitte
Altona
Eimsbüttel
Hamburg-Nord
Wandsbek
Bergedorf
Harburg

Gefiloj de la urbo

Mortintoj de la urbo

Mária Ilosvay, hungardevena operkantisto
Péter Szász, hungara reĝisoro

Partneraj urboj

Sankt-Peterburgo, Rusio, ekde 1957
Marseille, Francio, ekde 1958
Ŝanghajo, Popola Respubliko de Ĉinio, ekde 1986
Dresdeno, Saksio, Germanio, ekde 1987
Osako, Japanio, ekde 1989
León, Nikaragvo, ekde 1989
Prago, Ĉeĥio, ekde 1990
Ĉikago, Usono, ekde 1994

Futbala Mondpokalo 2006

Inter la 9a de junio kaj la 9a je julio 2006 en Germanio okazis la Futbala Mondpokalo, inter alie en Hamburgo. En la nove konstruita stadiono, teknike plej moderna, kiu dum la turniro havas 51.005 sidlokojn, okazis pluraj matĉoj. Sur ekranego en la kampego Heiligengeistfeld en urboparto Sankt Pauli eblis spekti ĉiujn matĉojn.

Esperanto en Hamburgo

La urbo ekde la jaro 1904 havas unu el la plej viglaj kaj tradiciaj Esperanto-kluboj de Germanio. La 12-an de septembro 1910 L. L. Zamenhof per ŝipo alvenis en Hamburg, revenante de la sesa Universala Kongreso de Esperanto en Vaŝingtono. En la jaroj post 1904 iom post iom fondiĝis 12 pliaj Esperanto-grupoj en diversaj urbopartoj, inter alie unuiĝoj de e-lingvaj komercistoj, metiistoj kaj laboristoj. La hamburga movado prosperis ĝis la jaro 1935, kiam la Nazia registaro malpermesis la agadon por Esperanto en Germanio. En 1945 estis fondita la nuna Hamburga Esperanto-Societo por daŭrigi la agadon de la antaŭmilitaj kluboj. La societo fariĝis loka grupo de Germana Esperanto-Asocio. Ekde la jaro 1960 en Hamburgo ekzistas strato kun la nomo Zamenhofweg en la kvartalo Farmsen kaj ekde 1971 Esperanto-arbo kun memortabulo en la urboparto Horn.

De la 1960-aj jaroj la Hamburga Esperanto-Societo havas propran klubejon, kiun ĝi unue luprenis kaj en 1978 povis aĉeti. Inter la 27-a de decembro 1965 kaj la 3-a de januaro 1965 la 9-a Internacia Seminario de Germana Esperanto-Junularo okazis en Hamburgo kaj pritraktis la temon "Li kaj ŝi - junaj homoj en la moderna mondo"; ankaŭ la 15-a Internacia Seminario inter decembro 1971 kaj januaro 1972 gastis en la urbo kaj debatis la temon "Homo kaj tekniko". Ĝis nun ses fojojn la Germana Esperanto-Kongreso gastis en la urbo, nome en 1931, 1956, 1967, 1974, 1986 kaj 2007, kaj en 1974 eĉ la Universala Kongreso de Esperanto venis al la urbo.

Inter la jaroj 1980 kaj 1986 la administrejo de Germana Esperanto-Junularo troviĝis en Hamburgo, en fazo, kiam pli kaj pli da junuloj interesiĝis pri Esperanto, kaj dumnokte en kelo iuj volontuloj per malnovaj presmaŝinoj presis milojn da Esperanto-informiloj, ĉar mankis mono profesie presigi informajn materialojn. Tiumaniere dum pluraj jaroj produktiĝis ankaŭ ekzemple la eŭropa renkontiĝo-bulteno "Koncize" kaj la listo de gastigantoj "Pasporta Servo". Por pli da historiaj eroj vidu la paĝon Esperanto-Hamburg.

Eksteraj ligiloj

Hamburgo en retgazeto Nia Mondo
Paĝoj de la urbo, en la germana
Hamburga Esperanto-Societo
StadtPanoramen Hamburg - Panorama Hamburgo
Stadtwiki Hamburg (en esperanto); nuntempe ne funkcianta

@@ Linio 99: / Linio 99: @@
 | establita        = 7-a jarcento
 | establita_tipo   = Unua skriba mencio
-| ĉefulo              = [[Olaf Scholz]]
+| ĉefulo              = [[Peter Tschentscher]]
-| ĉefulo_noto         = ekde la {{dato|7|marto|2011}}
+| ĉefulo_noto         = ekde la {{dato|28|marto|2018}}
 | ĉefulo_tipo         = Urbestro
 | ĉefulo_partio        = [[Socialdemokratia Partio de Germanio|SPD]]
@@ Linio 229: / Linio 229: @@
 * [[Ole von Beust]], (CDU): 31. 10. 2001 – 25. 8. 2010
 * [[Christoph Ahlhaus]], (CDU): 25. 8. 2010 - 7. 3. 2011
-* [[Olaf Scholz]], (SPD): ekde la 7. 3. 2011
+* [[Olaf Scholz]], (SPD): 7. 3. 2011 – 13. 3. 2018
+* [[Peter Tschentscher]], (SPD), ekda la 28. 3. 2018
 == Distriktoj de Hamburgo ==