Anakronismo

La Lasta Vespermanĝo de Leonardo da Vinci, 1498, montras la apostolojn sidantaj ĉe longa tablo. Tiu tipo de tablo estis nekonata en la tempo kaj loko de la Lasta Vespermanĝo.

Dinosaŭroj kun-ekzistantaj kun homedoj, kiel tie en The Flintstones, estas relative ofta anakronismo en komikso kaj animaciaj kartunoj.

Anakronismo laǔ PIV estas 1 Kronologia eraro, per kiu oni konfuzas inter si malsamdatajn historiaĵojn, kaj 2 Afero ne konforma kun la kutimoj aŭ moroj de la koncerna epoko.

Anakronismo (el la greka ἀνά ana, "kontraǔ" kaj χρόνος ĥronos, "tempo") estas kronologia malkongruo en iu aranĝo, speciale kunigo de personoj, okazaĵoj, objektoj aǔ kutimoj el diferencaj tempoperiodoj. La plej ofta tipo de anakronismo estas objekto mismetita en tempo, sed ĝi povas esti ankaǔ parola esprimo, teknologio, filozofia ideo, muzika stilo, materialo, planto aǔ animalo, kutimo, aǔ io ajn asocia kun partikulara periodo en tempo kiu estas metita ekster sia propra tempa nivelo.

Anakronismo povas esti ĉu intenca aǔ neintenca. Intencaj anakronismoj povas esti enmetiaj en literatura aǔ arta verko por helpi nuntempan publikon engaĝiĝi pli prete en historia periodo. Anakronismo povas ankaǔ esti uzata por celoj de retoriko, komedio, aǔ frapo. Neintencaj anakronismoj povas okazi kiam verkisto, artisto aǔ ludanto ne konscias pri diferencoj en teknologio, lingvo, kutimoj, sintenoj aǔ modoj inter diferencaj historiaj epokoj. Tiuokaze anakronismo povas montri malbonan kvaliton en difinita verko, ekzemple se temi pri intencita serioza historia studo aǔ eĉ historia romano. En diversaj konvencioj anakronismoj necesas kaj estas universale akceptitaj, ekzemple en kino (kaj plej ofte en literaturo), kiam temas pri historiaj filmoj: la lingvaĵo (kaj eĉ la lingvo mem) plej ofte ne estas tiu de la reprezentita epoko kaj loko, sed de la nuntempa publiko, kiu devas kompreni la diraĵojn.