Carlo Minnaja: Malsamoj inter versioj

El Vikipedio, la libera enciklopedio
[kontrolita revizio][kontrolita revizio]
Enhavo forigita Enhavo aldonita
Neniu resumo de redakto
e Bot: transigo de datumoj de Ŝablono:Vivtempo al Vikidatumoj
Linio 34: Linio 34:
{{Projekto vizaĝoj}}
{{Projekto vizaĝoj}}


{{vivtempo|1940||Minnaja, Carlo}}
{{Vivtempo|Minnaja, Carlo}}


[[Kategorio:Italaj esperantistoj]]
[[Kategorio:Italaj esperantistoj]]

Kiel registrite je 22:21, 28 sep. 2018

Carlo MINNAJA (IFA: [ˈkarlo minˈnaɪ̯a]; naskiĝis la 19-an de marto 1940 en Romo) estas itala matematikisto. Li estas denaska Esperanto-parolanto kaj vortaristo kaj membro de la Akademio de Esperanto.

Minnaja magistriĝis pri matematikaj sciencoj en Pizo en 1963; doktoraj studoj pri analitiko ĉe Scuola Normale Superiore, Pizo 1963-65; unua profesorposteno ĉe la ŝipakademio en Livorno en 1965. Poste li iris al la universitato de Padovo kiel profesoro de la inĝeniera fakultato, pri diversaj matematikaj fakoj; de 1973 li estas konstanta profesoro. Inter 1979 kaj 1994 li estis membro de la Scienca Konsilio de la Instituto pri Komputa Lingvistiko en Pizo. En 1983/84 li estis gastprofesoro Fulbright-a ĉe Virginia Polytechnic Institute kaj University of California en Los-Anĝeleso. Li prelegis ĉe pluraj eŭropaj universitatoj, estas aŭtoro aŭ kunaŭtoro de ĉ. 50 sciencaj kaj didaktikaj verkoj pri matematiko; verkinto de pluraj libroj kaj multaj artikoloj koncernantaj la internacian lingvon. En 1980 li estis distingita de la Itala Ĉefministro per "Premio de la kulturo".

Minnaja estas membro, senatano kaj vicprezidanto de AIS San-Marino.

En la 1960aj jaroj Carlo Minnaja estis estrarano de TEJO pri fakaj sekcioj kaj servoj.[1] Li tre aktivas pri esperantologio kaj esperanto-literaturo. Li estis ano de la literatura rondo La Patrolo. En 1981 aperis lia traduko en Esperanton "La locandiera" de Carlo Goldoni; en 1982 liaj tradukoj de poemoj de Cesare Pavese; en 1990 li redaktis antologion de tradukitaj italaj poemoj de la 20a jarcento Enlumas min senlimo (Millumino d'immenso), eldonita de LF-Koop.

En 1996 publikiĝis lia pli ol 1400paĝa vortaro itala-esperanta. Ĝi estas la plej ampleksa tiutipa, kiu ĝis nun aperis, kaj komparebla nur kun la samkategoriaj vortaroj germana-esperanta de Krause (2007), la hispana-esperanta de De Diego (2002) kaj la hungara-esperanta de Szerdahelyi kaj Koutny (1996).

Minnaja estas ano de la scienca komitato de Itala Interlingvistika Centro, konstanta kunlaboranto de Literatura Foiro ekde ĝia fondo (ĝia ĉefredaktoro en 2014), kaj regula literatura recenzanto de la magazino Monato.

Li ankaŭ kontribuis al BA2.

Partoprenis en En la mondon venis nova lingvo, festlibro por Ulrich Lins.

Notoj kaj referencoj

Vidu ankaŭ

Eksteraj ligiloj

Trovu « Carlo Minnaja » inter la
Vizaĝoj de homoj
rilataj al la ideo
«Internacia Lingvo»