Kristnaskaj kantoj

The Twelve Days of Christmas

Tiu ĉi artikolo estas pri kantoj. Ankaŭ ekzistas artikolo pri la libro Kristnaska Kanto.

---

Estas multaj kristnaskaj kantoj en ĉiuj kristanaj landoj. En Anglio, kie ili nomiĝas Christmas Carols (kristnaskaj karoloj), ili konsistigas grandan nacian tradicion, regule kantitaj de infanaj ĥoroj.

En Brazilo, unu konata kanto estas jena:

Papileto tre bela

Kiu restas en rozejo

venu por vidi kiom da ĝojeco

Ĉar hodiaŭ estas kristnaska nokto

Mi estas papileto

Tre bela kaj ĉarma

mi restas inter la floroj

atendante kiu amos min.

En slavaj kaj ortodoksaj landoj, ili nomiĝas kolinda (kolendoj), kaj ilin kantas infanoj, kiuj iras pord-al-porde, ktp.

En Esperanto kantas

La nederlanda grupo Akordo registris plenan K-diskon da esperantigitaj kristnaskaj kantoj el multaj landoj kantitaj a-capella t.e. nurvoĉe: Kristnaska Kordo. La itala kantistino Cristina Casella registris en 2012 la novan kristnaskan kanton Kredu Kristnaskon. La kanto estas originale verkita de Roberto Pigro en Esperanto, kadre de bonfara iniciato. Oni povas aŭskulti la kanton en Jutubo kaj elŝuti ĝin, serĉante ĝian titolon en la retejo http://kantaro.ikso.net/.

Rete legeblaj en Esperanto

• 148 kristnaskaj kantoj kompilataj de Haruo Ros'. (Rim. ke ties malnova retloko de GeoCities nun troveblas per la "Internet Archive", ligilata ĉi tie.)
• Yuletide Carols / Jula Karolaro kompilataj de Gene Keyes. Dekunu simplaj partituroj ĝis nun, inkluzive nova kaj angla kaj esperanta traduko: Cantique de Noël / Canticle Noel / Kantik' de Noel'/ (O Holy Night). Ankaŭ Vencelas la Bona Reĝ', Koventria Karolo, Aŭdu! Kantas Angel-ĥor’, Tien Arbaren, L'Amikaj Bestoj, La Dek Du Tagoj de Kristnasko, La Animanta Kanto [Anim-Kuk'], Riu Riu Chiu, Trans la Riveron kaj Tra l'Arbar', Eĥo-Karolo.

Rete elŝuteblaj Mp3 dosieroj en Esperanto

Ralph Glomp kantas i.a. Abio vi!

Akordo kantas i.a. Paca Nokt'

Vidu ankaŭ

• Sankta Nokto
• Tintilar'
• Villancico
• Kristnaska karto