Béla Révész (verkisto)

Ne konfuzu ĉi tiun artikolon kun Béla Révész (libroeldonisto).

Béla Révész
Persona informo
Naskonomo	Róth Benjámin
Naskiĝo	17-an de februaro 1876 (1876-02-17) en Esztergom
Morto	1-an de januaro 1944 (1944-01-01) (67-jaraĝa) en Aŭŝvico
Lingvoj	hungara
Ŝtataneco	Hungario
Familio
Infanoj	Imre Révész • Endre Révész
Okupo
Okupo	verkisto • ĵurnalisto

Béla RÉVÉSZ [bEla rEvEs], hungare Révész Béla estis hungara socialista verkisto kaj ĵurnalisto.

Béla Révész naskiĝis la 17-an de februaro 1876 en Esztergom. Li mortis en 1944 en la koncentrejo (ekstermejo) en Auschwitz (Aŭŝvico).

Biografio

Li frekventis gimnaziojn en Esztergom kaj Budapeŝto. En 1905 li konatiĝis kun Endre Ady. En la sekva jaro li komencis ĵurnaladi en laborista ĵurnalo. En 1908 li aliĝis al Nyugat. En 1919 dum la revolucio li havis literaturan postenon, tial poste li rifuĝis al Vieno. En 1922 li hejmenvenis kaj laboris en redaktejo de ĵurnalo. En 1931 li ricevis premion. En 1944 li estis deportita, kie en la koncentrejo en Auschwitz (Aŭŝvico) li mortis.

Verkoj (elekto)

• A nagy börtön (La granda prizono), novelaro, 1907
• A lárva mögött (Malantaŭ la larvo), novelaro, 1911
• Vonagló falvak (Konvulsiantaj vilaĝoj), romano, 1914
• Beethoven, versa prozo, 1917
• Miniatűrök (Malgrandaĵoj), versa prozo, 1919

En Esperanto aperis

• Hungara Antologio 1933: novelo: Odoroj

Fontoj

• Hungara Vikipedio