Jefferson Airplane

Jefferson Airplane
Vidu ankaŭ Portalo pri muziko

Jefferson Airplane komence de 1966. El maldekstro: Anderson, Casady, Balin, Spence, Kantner kaj Kaukonen.

La grupo en 1966 post Spencer Dryden anstataŭis Skip Spence ĉe drumoj.

Afiŝo de Jefferson Airplane Fillmore, Februaro 1966. Tiu estis la unua ne-bonfara koncerto de la grupo.

Jefferson Airplane, usona rok-bando kun sidejo en San Francisco, Kalifornio, estis unu el la pioniraj bandoj de psikedela roko. Formita en 1965, la grupo difinis la sanfranciskan sonon kaj estis la unua el la Golfa Areo kiu atingis internacian komercan sukceson. Ili estas ĉefaj altirantoj en la tri plej famaj usonaj rokfestivaloj de la 1960-aj jaroj — nome Monterejo (1967), Woodstock (1969) kaj Altamont (1969) — kaj la unua Festivalo de la Insulo Wight (1968) en Anglio. Ties dekomenca albumo de 1967 nome Surrealistic Pillow rangis en la mallonga listo de la plej gravaj diskoj de la "Somero de Amo". Du kantoj el tiu albumo, "Somebody to Love" kaj "White Rabbit", estas inter la "500 plej grandaj kantoj ĉiutempaj" en la listo de la gazeto Rolling Stone.

La "klasika" anaro de Jefferson Airplane, el Oktobro 1966 al Februaro 1970, estis Marty Balin (voĉo), Paul Kantner (gitaro, voĉo), Grace Slick (voĉo), Jorma Kaukonen (ĉefa gitaro, voĉo), Jack Casady (baso), kaj Spencer Dryden (drumoj). Marty Balin lasis la bandon en 1971. Post 1972, Jefferson Airplane efektive disiĝis en du grupoj. Kaukonen kaj Casady iris plentempe al sia propra bando, Hot Tuna. Slick, Kantner, kaj la ceteraj membroj de Jefferson Airplane rekrutis novajn membrojn kaj regrupiĝis kiel Jefferson Starship en 1974, kaj Marty Balin finfine aliĝis al ili. Jefferson Airplane estis enkondukita en la Fam-Salono kaj Muzeo de Rokenrolo en 1996 kaj ricevis la premion Grammy pro Vivodaŭra Atingaro en 2016.

Membroj

• Paul Kantner – ritma gitaro, voĉo (1965–1972, 1989, 1996)
• Jorma Kaukonen – ĉefa gitaro, voĉo (1965–1972, 1989, 1996)
• Marty Balin – voĉo, ritma gitaro, perkutaro (1965–1971, 1989, 1996)
• Signe Toly Anderson – voĉo (1965–1966)
• Bob Harvey – duobla baso (1965)
• Jerry Peloquin – drumoj (1965)
• Skip Spence – drumoj, perkutaro (1965–1966)
• Jack Casady – baso, ritma gitaro (1965–1972, 1989, 1996)
• Grace Slick – voĉo, piano, klavaro (1966–1972, 1989)
• Spencer Dryden – drumoj, perkutaro (1966–1970, 1996)
• Joey Covington – drumoj, perkutaro (1970–1972)
• Papa John Creach – violono, voĉo (1970–1972)
• John Barbata – drumoj, perkutaro (1972)
• David Freiberg – voĉo, ritma gitaro (1972)

Diskaro

• Jefferson Airplane Takes Off (1966)
• Surrealistic Pillow (1967)
• After Bathing at Baxter's (1967)
• Crown of Creation (1968)
• Volunteers (1969)
• Bark (1971)
• Long John Silver (1972)
• Jefferson Airplane (1989)