Kabalo

Hebrea קבלה , qabbalah, ricevado, tradicio

Kabalo (hebree קַבָּלָה — ricevo, akcepto) — mistikfilozofia doktrino, kiun oni asocias kun judismo. La celo de Kabalo estas spirita perfektiĝo de individuo, kiu donos eblecon al homo kompreni sian antaŭdestinon en la materia kaj en spiritaj mondoj. Konforme al Kabalo, animo enkorpiĝas en la materia mondo ĝis kiam ĝi "ellernos sian instruon" kaj plenumos la funkcion, por kiu ĝi estis kreita. (Estas opiniate, ke ĉiu animo havas iun propran, nur por ĝi specifan specialecon, nome kiun ĝi devas finkonscii). Kiam — per instruado de Kabalo — la celo estas atingita, animo ĉesas enkorpiĝi. Tia stato nomiĝas "Gmar Tikun" (hebree גמר תיקון) — fino de korekto. Nome atingo de tiu stato estas la celo de Kabalo.

En mallarĝa senco Kabalo estas aro de verkoj kun mistika haraktero, la plej frua el kiuj estas "Sefer Jecira" (hebree ספר היצירה — «Libro de kreo»), estas datita per la VIIIa jarcento aŭ la IXa jarcento, kaj la plej grava verko — la libro Zohar (hebree זוהר — brilo) — al la periodo proksimume de la 1200a jaro. Kabalistoj mem asertas, ke la libro "Sefer Jecira" estis skribita pere de Abraham en XVI-XVIII jarcentoj AK, kaj "Zohar" — en II-III jarcentoj PK.

Malgraŭ tio, ke ekzistas skribaj tekstoj, uzi ilin preskaŭ ne eblas, ĉar ili intence estas skribitaj per alegoria lingvo kaj aludoj, eble krom verkoj de Baal haSulam kaj iliaj posteuloj. Tial, konforme al la tradicio, sciojn pri Kabalo estis transdonataj de instruisto al lia disĉiplo.

Komence de la XVIa jarcento dank' al granda kabalisto Ari komenciĝis procezo de "scienciĝo" de Kabalo, unu el sekvoj de kiu (en la XXa jarcento kaj niatempe, parte per penoj de Baal haSulam kaj liaj disĉiploj) iĝis apartiĝo de la doktrino de religiaj tradicioj.

Kabalo, difino de la kabalisto Baal haSulam

Laŭ la senduba aŭtoritatulo pri Kabalo, Baal haSulam, "la scienco Kabalo estas kaŭz-konsekvenca ordo de malsupreniro de Superaj fortoj, subordiĝataj konstantajn kaj absolutajn leĝojn, ligataj inter si kaj direktitaj al malkovro de Supera estranta forto (Kreinto) al homo en ĉi tiu mondo."

Kabalistoj

Pli detalan informon vidu en la artikolo Kabalisto.

• Ichak Lurija (ARI)
• Jehuda Lejb haLevi Aŝlag (Baal Sulam)
• Baruĥ Ŝalom haLevi Aŝlag (RABAŜ)
• Miĥael Lajtman

Vidu ankaŭ

• Asocio "Bnej Baruĥ"
• Framasonismo
• Ĥasidismo
• Kabalisto
• Kabala Centro de Berg

Eksteraj ligiloj

• Multlingva retejo pri Kabalo, kun plena senpaga kabalista biblioteko
• Reta kabala televido (elsendoj en kvin lingvoj)
• Taglibro pri Kabalo en la internacia lingvo