Atilio Orellana Rojas
| Atilio Orellana Rojas | |
|---|---|
.jpg)
| |
| Persona informo | |
| Naskiĝo | 6-an de septembro 1963 en  Las Termas de Río Hondo, Argentino
|
| Lingvoj | Esperanto • angla • franca • hispana |
| Nacieco | argentinano / nederlandano |
| Ŝtataneco | Argentino • Reĝlando de Nederlando |
| Okupo | |
| Okupo | Lingvoinstruisto |
| Esperanto | |
| Esperantistiĝis en | 1982 |
Atilio ORELLANA ROJAS (naskiĝis en 1963) estas argentina-nederlanda esperantisto.
Li eklernis Esperanton en 1982. Studis Filologion pri Klasikaj Lingvoj, Muzeologion kaj Arthistorion. Studis plurajn lingvojn kaj instruis la rusan kelkajn jarojn en la Instituto "Aleksandr Pushkin" en Córdoba; ankaŭ laboris kiel interpretisto de la rusa dum 2 jaroj.
En 1988 li komencis instrui Esperanton laŭ la rekta metodo kaj multe kunlaboris en la rejuniĝo kaj renovigo de "Argentina Esperanto-Ligo", unue per la organizado de someraj tendumadoj kaj poste kun la renaskiĝo de AEA, "Argentina Esperanto- Asocio", kiu post 1995 reunuiĝis en la nuna AEL.
Kiel instruisto komencis vojaĝi en Argentino kaj al Brazilo, Bolivio, Kubo, ktp por partopreni kongresojn. Fine li plurjare loĝis en Nederlando, kie li eklaboris en Den Haag. Tiel komenciĝis lia kariero kiel "vojaĝanta instruisto", gvidante kursojn dum UK-oj kaj en pli ol okdeko da landoj. [1][2][3][4][5][6] [7]
Plurjare prizorgis la edukadon de novaj Esperanto-instruistoj.
Multe verkis en Esperanto, la hispana kaj la angla pri indiĝenaj temoj, speciale pri lingvistikaj aspektoj, muziko, religio kaj arto por specialigitaj revuoj kaj por la Esperanto-gazetaro.
Plenumis diversajn postenojn en la E-medio: Prezidanto de Argentina E-Asocio (1989-1991); C-Komitatano de TEJO (1992-1994) UEA-Komisiito por Ameriko (1994-2002)[8]; A-Komitatano de UEA (1996-1998), (2004-2006), (2006-2008), (2008-2010) kaj B-Komitatano (1999-2001), (2001-2003). Estrarano de ILEI (1995-1999), (2003-2006), (2006-2009)[9], Komitatano de ILEI (1999-2001), (2001-2003), (2004-2007), (2007-2009), (2009-2011); Prezidanto de la Internacia Ekzamena Komisiono de UEA/ILEI (1997-2000); Membro de la Internacia Rajtigita Ekzamenantaro (2000-2003), (2003-2006), (2006-2010).
En 2003 estis la UEA-Komisiito pri Agado Espero.
Kunlaboris kun la organizo Indiĝenaj Dialogoj ekde ĝia naskiĝo en 1998 instruante hispanlingvanojn kaj zorgante pri fonetika ekzercado kaj laste kiel konsilanto kaj helpanto en la redakta teamo de ĝia reta bulteno "Tamtamo".
Li loĝis en Higashikagawa, Japanio kie li estis la privata sekretario de la konata japana esperantisto Etsuo Miyoshi, krome en la Korporacio Swany ([10]) kie li instruis Esperanton, la hispanan kaj la anglan. [11]
Referencoj[redakti | redakti fonton]
- ↑ http://esperanto.org.uk/eab/eab_news/2006-04-28_british_congress.htm
- ↑ http://suomenkuvalehti.fi/kuvat/2010/07/02/atilio-orellana-rojas[rompita ligilo]
- ↑ http://www.esperanto-nederland.nl/ned/nieuwsarchief/onkruid/onkruid.php
- ↑ Arkivita kopio. Arkivita el la originalo je 2013-04-26. Alirita 2013-03-01.
- ↑ http://www.ts.fi/viihde/1074215236/Atilio+Orellana+Rojas+luennoi+esperantoksi[rompita ligilo]
- ↑ http://www.begadistrictnews.com.au/story/1057310/esperanto-school-at-kianniny/
- ↑ http://www.bildarchivaustria.at/Pages/ImageDetail.aspx?p_iBildID=7174108
- ↑ Arkivita kopio. Arkivita el la originalo je 2016-03-04. Alirita 2013-06-25.
- ↑ http://esperanto.cri.cn/1/2005/09/09/1@29045.htm[rompita ligilo]
- ↑ Arkivita kopio. Arkivita el la originalo je 2012-11-30. Alirita 2017-11-16.
- ↑ https://www.pinterest.jp/pin/309692911867943226/