Carouge (prononcu karuĵ) estas svisaurbo situanta en la kantono Ĝenevo. Pro ĝia malfrua aliĝo al Svislando, oni ofte nomas ĝin la sarda urbo, kvankam ĝi situas nun tuj apud la urbo Ĝenevo, ĉe la maldekstra flanko de la rivero Arve.
Laŭ la stato de 2017 en la komunumo vivis 22 336 loĝantoj sur areo de 2,65 kvadrataj kilometroj, kio rezultigas loĝdenson de 8 429 loĝantoj/km².
Ĝis la Traktato de Torino de 1754, Carouge estis loko de multaj konfliktoj inter Ĝenevo kaj Savojo.
Ekde 1754 ĝis 1792, la urbo apartenis al Savoja dinastio, kiu regis teritorion inter Sardio kaj Ĝenevo, ambaŭflanke de la Alpoj. Ĉi-tempe, ĝi disvolviĝis pro sia proksimeco al Ĝenevo, kaj iĝis ĉefurbo de Savojo. La centro de Carouge datumas de ĉi-epoko kaj ĝia arkitekturo kontrastas kun la ĝeneva.
Inter 1792 kaj 1814 Francio aneksis Carouge, kaj post la Traktato de Torino de 1816 la urbo iĝis ĝeneva, kaj, sekve, svisa.
Pro la disvolviĝo de ambaŭ urboj, Carouge kaj Ĝenevo aglomeriĝis komence de la 20a jarcento, kaj nun, Carouge estas unu el la ĉefaj komunumoj de la ĝeneva aglomeraĵo.
Ekde la 60aj jaroj, ekstere de la centro, konstruiĝis domegoj (La "tours de Carouge") kaj nun la komunumo apartigas la grandan industrian areon de "La Praille" kun Ĝenevo kaj Lancy.
Post kelkaj jaroj, la fervoja suda ĉirkaŭiro de Ĝenevo (CEVA) trairos la komunumon de Carouge. Tiel, ĝi estos direkte ligita al Savojo kaj al Svislando.
La Haute École de Gestion (Altlernejo pri administrado), la Collège et École de Commerce Madame de Staël (Gimnazio kaj Komerca Lernejo Madame de Staël) kaj du meznivelaj lernejoj (Collège de Pinchat kaj Collège de Drize) troviĝas sur la komunumo.
La Carougean centron indas viziti, pro ĝia kontrasto kun la ĝeneva arkitekturo (malaltaj koloraj domoj pli proksimaj al Italio ol al la ĝeneva severeco).
Laŭ multaj ĝenevanoj, la Carougea etoso estas iom aparta kaj multaj estas allogataj de ĝi.
