Domažlice

	Domažlice
	germane Taus
	urbo
	Placo en Domažlice
Flago	Blazono
	Oficiala nomo: Domažlice
Ŝtato	Ĉeĥio
Regiono	Regiono Plzeň
Distrikto	Distrikto Domažlice
Administra municipo	Domažlice
Historia regiono	Bohemio
Parto de	Ĥodio
Montaro	Subbohem. montetaro
Memorindaĵo	Domažlice burgo
Rojo	Zubřina
Situo	Domažlice
- alteco	428 m s. m.
- koordinatoj	49° 26′ 26″ N 12° 55′ 38″ O / 49.44056 °N, 12.92722 °O (mapo)
Areo	24,61 km² (2 461 ha)
Loĝantaro	11 010 (2023)
Denseco	447,38 loĝ./km²
Setlejo	10-a jarcento
Horzono	MET (UTC+1)
- somera tempo	MET (UTC+2)
Poŝtkodo	344 01
NUTS 3	CZ032
NUTS 4	CZ0321
NUTS 5	CZ0321 553425
Katastraj teritorioj	2
Partoj de urbo	6
Bazaj setlejunuoj	19
	Situo enkadre de Ĉeĥio Situo enkadre de Ĉeĥio
	Vikimedia Komunejo: Domažlice
	Retpaĝo: www.domazlice.info
	Portalo pri Ĉeĥio

Eble vi serĉas: Domaželice.

Koordinatoj: 49° 26′ 26″ N 12° 55′ 38″ O / 49.44056 °N, 12.92722 °O (mapo)

Domažlice (prononcu Domaĵlice) estas distrikta urbo en distrikto Domažlice kaj historia centro de Regiono Plzeň en Ĉeĥio, kies nomo estas Ĥodio (ĉeĥe Chodsko). Ĝi situas 47 km de urbo Plzeň. Loĝas en ĝi 11 010 loĝantoj (2023).

La najbaraj municipoj de la setlejo estas Stráž, Tlumačov, Babylon, Zahořany, Újezd, Chrastavice, Mrákov, Pasečnice, Meclov, Luženičky kaj Nevolice.

Historio[redakti | redakti fonton]

En du komercvojoj en Bavarion estiĝis jam en la 10-a jarcento doganejo, kiun ŝirmis princa burgo. La vilaĝo evoluis en spaco de hodiaŭa preĝejo de Ĉiuj sanktuloj. Iam post la jaro 1260 reĝo Přemysl Otakar la 2-a fondis okcidente de tiu ĉi vilaĝo liganta novan urbon. La situo en la vojo ĝis Bavario projektiĝis ankaŭ en bazplanon de la urbo. Laŭlonge laŭ la vojo elkreskis plilongigita placo ĉirkaŭita el ambaŭ flankoj per vico da domoj. En la placo elkreskis paroĥeja preĝejo, aŭgustiana monaĥejo kaj burgo. La loĝantoj de Ĥodio estis eligitaj el servuteco pro devo gardi limojn kaj ili estis subordigitaj rekte al la reĝa potenco.

El tempo de la fondo de la urbo konserviĝis partoj de la remparoj, Suba portalo (devene ĉi tie estis tri portaloj kaj malgranda portaleto), kelkaj partoj de la burgo kaj masonaĵo de la preĝejo kun cilindra turo.

La urbo estis riĉiĝanta pro avantaĝa situo en du vojoj. En la paso de la 14-a kaj la 15-a jarcentoj ĝi ricevis multajn privilegiojn de la ĉeĥaj reĝoj. En la jaro 1421, kiam minacis invado de kruculoj, urbanoj petis helpon de husana armeestro Jan Žižka, en kies soldataro ili poste partoprenis en sieĝado de urboj Bechyně kaj Plzeň. La 14-an de aŭgusto de 1431 poste okazis triumfbatalo de la husanoj kontraŭ soldataroj de la 5-a krucula ekspedicio, kiun gvidis kardinalo Giuliano Cesarini, la papa legato.

La urbo estis kondamnita pro ĉeesto en kontraŭhabsburga ribelo en la jaro 1547, sed ĝi rapide vekiĝis al denova evoluo. En la 19-a jarcento la urbo estis industriigita kaj ĝi fariĝis loko de oftaj restadoj de la ĉeĥaj verkistoj de la nacia renaskiĝo, kolektintoj de popolarto, muzikkomponistoj kaj pluaj personecoj. En la urbo restadis ekz. Božena Němcová, Josef Kajetán Tyl, Karel Jaromír Erben, Alois Jirásek, Jindřich Jindřich, en la jaro 1912 ĉi tie mortis Jaroslav Vrchlický. En la jaro 1861 estis alkondukita en la urbon okcidenta fervojo.