Pilgrimkapelo Jonental
| Pilgrimkapelo Jonental | |||
|---|---|---|---|
| Templo | |||
 | |||
| arkitektura strukturo • katolika pilgrimejo [+] | |||
| Lando | Svislando | ||
| Regiono | Kantono Argovio | ||
| Situo | komunumo Jonen | ||
| - koordinatoj | 47° 18′ 4″ N, 8° 24′ 41″ O (mapo)47.301019488.41128457Koordinatoj: 47° 18′ 4″ N, 8° 24′ 41″ O; CH1903: 673560 / 239360 (mapo) | ||
| Poŝtkodo | 8916 [+] | ||
|
|||
 |
|||
| Pilgrimkapelo Jonental | |||
 Vikimedia Komunejo: Wallfahrtskapelle Jonental [+] |
|||
La Pilgrimkapelo Jonental estas pilgrimejo honore al Sankta Maria, laŭ la Biblio la patrino de Jesuo, en ravino apud la rivereto Jonenbach en la komunumo Jonen en Kantono Argovio en Svislando.
Legendo pri la estiĝo de la kapelo[redakti | redakti fonton]
La legendo rakontas pri la estiĝo de la kapelo, pri knabo, kiu paŝtis kaprinojn, kiam li sekvis forkurintan beston al la fundo de la ravino. Kiam li subite aŭdis sferan muzikon li ekdormis, kaj sonĝis pri la dipatrino Maria. Kiam li vekiĝis, li trovis bildon de Sankta Mario. Oni tiam decidis konstrui kapelon sur la monteto proksime, sed plurfoje oni retrovis la ŝtonojn metitajn dum tagoj venontan matenon en la ravino. Monaĥo konsultita klarigis, ke tio estas signo de Dio konstrui la kapelon en la fundo de la ravino. (Fonto: Informtabulo apud la kapelo).
Historio[redakti | redakti fonton]
La unua mencio de la pilgrimkapelo datiĝas el la jaro 1521. En la 1-a milito de Vilmergen en la jaro 1556 la zurikaj trupoj detruis la unuan kapelon. En la jaroj 1734 ĝis 1737 la urbo Bremgarten konstruigis la novan hodiaŭan kapelon.