Tiruĉirapali

	Tiruĉirapali
	metropolo, industria kaj universitata urbo
	Oficiala nomo: Tiruĉirapali
Lando	Barato
Ŝtato	Tamilnado
Situo	Tiruĉirapali
- alteco	88 m s. m.
- koordinatoj	11° 21′ 00″ N 79° 09′ 00″ O / 11.35000 °N, 79.15000 °O (mapo)
Areo	147 km² (14 700 ha)
Loĝantaro	931,803 (2007)
Horzono	UTC + 5:30
Poŝtkodo	620xxx
Telefona antaŭkodo	431
Aŭtokodoj	TN-45, TN-48
	Situo enkadre de Barato Situo enkadre de Barato
	Vikimedia Komunejo: Tiruchirapalli
	Retpaĝo: www.trichycorporation.gov.in
	Portalo pri Barato

Koordinatoj: 11° 21′ 00″ N 79° 09′ 00″ O / 11.35000 °N, 79.15000 °O (mapo)

Tiruĉirapali, tamile தி௫ச்சிராப்பள்ளி estas metropolo, grava industria kaj universitata urbo en Barato, en subŝtato Tamilnado. La historiaj loknomoj estis Tiruchi aŭ Trichy.

Laŭ la stato de 2011 en la urbo vivis 916 857 loĝantoj sur areo de 167,23 kvadrataj kilometroj, kio rezultigas loĝdenson de 5 483 loĝantoj/km².

Geografio[redakti | redakti fonton]

Tiruĉirapali etendiĝas en suda parto de la lando sur ebenaĵo laŭ rivero. Ĉenajo troviĝis 325, Koimbatore 205, Bengala Golfo 128 km-ojn.

Sri Rangam estas ĉerivera insulo en la urbo Tiruĉi. Ĝi estas formita de la rivero Kavero kaj Kolidamo (alfluanto de Kavero, kiu iras norde de la insulo). La insulo havas 31 km longe kaj 2,4 km larĝe. La citadelo Srirangam, elstara pilgrimloko hinduisma, troviĝas en la centro de la insulo.

Historio[redakti | redakti fonton]

Tiruĉirapali estas longe loĝata. Iam estis urbo nomata Uraijur (nun antaŭurbo), kiu estas grava loko de arkeologoj. Ĝi estas menciita fare de Ptolemeo en la 2a jarcento a.K. Dum la mezepoko diversaj regnoj regis en la urbo. Municipo formiĝis en 1865.

Ekonomio[redakti | redakti fonton]

En Tiruĉirapali la industrio estas la plej grava, en la ĉirkaŭaĵo oni kultivas precipe maizon. Dum dominado de britoj oni produktis popularajn cigaredojn. Nuntempe en la apudaĵo oni produktas cementon kaj sukeron kaj aparta industria zono okupiĝas pri elektroniko.

Klimato[redakti | redakti fonton]

Tiruĉirapali havas tropikan klimaton, kie regas varmegaj someroj de marto ĝis majo. La temperaturo varias inter 20-37 °C. Jare pluvas po 882 mm, plej ofte inter aŭgusto-decembro.