Vasaloppet
Vasaloppet, la Vasa-kuro, en Svedio estas la plej longa ski-konkuro en la mondo. La kuro longas 90 km-ojn, ekde Sälen ĝis Mora en provinco Dalekarlio (Dalarna) en meza Svedio. Ĝi okazas ekde 1922 ĉiun jaron je la unua dimanĉo en marto – kun escepto de la jaroj 1932, 1934 kaj 1990, kiam mankis neĝo.
Historio[redakti | redakti fonton]
La Vasa-kuro estas memorigo pri Gustavo Vasa, kiu antaŭ ol fariĝi reĝo de Svedio, fuĝis en 1521 for de la tiama reĝo Kristiano la 2-a al Norvegio, kaj (laŭ tradicia rakonto) dum la fuĝo skikuris tiun saman vojon (tamen en la malan direkton, de Mora al Sälen).